ENJIRI NKOKU YAHANDIKIRWE YOHANA

 

Évangile selon Jean en Nyoro (ou Runyoro ou Rutooro)    (traduction de 1949)

 

YOHANA 1YOHANA 2YOHANA 3YOHANA 4YOHANA 5YOHANA 6YOHANA 7YOHANA 8YOHANA 9YOHANA 10YOHANA 11YOHANA 12YOHANA 13YOHANA 14YOHANA 15YOHANA 16YOHANA 17YOHANA 18YOHANA 19YOHANA 20YOHANA 21

 

 

1        YOHANA 1

1 KARANAKARA hakaba haroho Kigambo, Kigambo kikaba kiri hamu na Ruhanga. 2 Kigambo kikaba kiri Ruhanga. Ogu akabaloho karanakara hamu na Ruhanga. 3 Ebintu byona bikahangwa habwogu; kandi ha uwe atali tihakahangwaga kintu kyona ekyahangirwe. 4 Obwomezi bukaba buli omuluwe; obwomezi bukaba buli musana gwabantu. 5 Omusana gukajwa omu muirima; kandi omuirima gutaguikirize. 6 Hakaija omuntu, ayatumirwe Ruhanga, ibaralye Yohana. 7 Ogu akaija kaiso obwokuranga ebyomusana, bona baikirize obwe. 8 Ogu akabatali musana, baitu akaija okuranga ebyomusana. 9 Omusana ogwamananu, ogujwera abantu bona, gukaba nuguija omu Nsi. 10 Akabali omu Nsi, kandi Ensi ekahangwa habwe, kandi Ensi etamumanyi’re. 11 Akaija hali ebye, kandi abakaba bali be batamuikirize. 12 Baitu bona abamuikirize, akabaha obusobozi okufoka abana ba Ruhanga, nibo barukuikiriza ibaralye: 13 abatarazairwe sagama, nobukwakuba okugonza okwomu’oiri nobukwakuba okugonza okwabantu, baitu abazairwe Ruhanga. 14 Kigambo yafoka mubiii, yaikara omulitwe (tukarora ekitinisakye, ekitinisa nkekyogu ayazairwe omu wenka Isitwe), aijuire embabazi namananu. 15 Yohana yamuranga, nayami‘ra nagamba ati Nuwogu ounagambireho nti Atukuija enyuma yange, nuwe abandize nyowe: baitu akabali wokubanza nanyowe. 16 Baitu okuijurakwe itwena nukwo twahairweho, nembabazi omu kiikaro kyembabazi. 17 Baitu ebiragiro bikahebwa habwa Musa; embabazi namananu bikaba biroho habwa Yesu Kristo. 18 Busaho muntu araboine Ruhanga bwona bwona; Omwana ayazairwe omu wenka, anyakuli omu kifuba kya Xsitwe, nuwe yamumanyisize.

19 Binu nibyo byokuranga bya Yohana, Abayudaya obubamutumire banyakatagara Nabalevi nibaruga Yerdsalemu okumukaguza ngu Niwoha? 20 Yagamba, atarukwehakana, nagamba ati Nyowe tindi Kristo. 21 Bamukaguza ngu Kandi niwoha? Niwe Eriya? Yagamba ati Tindi uwe. Niwe nabi ogn? 22 Yagarukamu ati Nangwa. Nikyo bamugambire ngu Niwoha? itwe tubagarukemu abatutumire. 23 Noyeyeta oha? Yagamba ati Ninyowe iraka eryomuntu arukwami’ra omu irungu ngu Mutekanize omuhanda gwa Mukama, nka nabi Isaya okuyagambire. 24 Abo abatumirwe bakaba bali bomu Bafalisayo. 25 Bamukaguza, nibamugambira ngu Kandi, kiki ekikubatizisa, okworaba otali Kristo, nobwakuba Eriya, nobwakuba nabi ogu? 26 Yohana yabagarukamu, nagamba ati yowe mbatiza omu maizi: hagati omulinywe hayeme’ra omu oumutamanyire, 27 nuwogu arukui ja enyuma yange, norukoba rwenkaitoye tindukuseme’ra okuruboho’ra. 28 Ebigambo ebi bikakorwa Besaniya nseri ya Yorudani, Yohana nambere akaba nabatiza.

29 Obuire obubwakire nyenkya yarora Yesu naija namberali, yagamba ati Dora, Omwana gwentama ogwa Ruhanga, arukuihaho ebibi byensi. 30 Nuwogu ounagambireho nti Enyuma yange haija omuntu ambandize: baitu akabali wokubanza nanyowe. 31 Nanyowe ntamumanye; baitu uwe asuku’rwe omu Isareri, nikyo naizire nimbatiza omu maizi, 32 Yohana yamanyisa nagamba ati, Nkarora Omwoyo nasirimuka omu iguru nkeriba; 33 namuikaraho. Nanyowe ntamumanye; baitu ogu ayantumire okubatiza namaizi nuwe yangambire ati Owolirora Omwoyo nasirimuka haluwe, namuikaraho, nuwe abatiza Nomwoyo Ogurukwera. 34 Nanyowe nkarora, ni’manyisa nti Ogu nuwe Mwana wa Ruhanga.

35 Kandi obuire obubwakire nyenkya Yohana akaba ayemerire, nababiri hali abegeswabe; 36 yarora Yesu nagenda, yagamba ati Dora, Omwana gwentama ogwa Ruhanga! 37 Abegeswa abo ababiri bamuhu’ra nagamba, bakuratira Yesu. 38 Yesu yakubutuka yabarora nibakuratira, yabagambira ati Nimuse’ra ki? Bamugambira ngu Rabi, (amakuru gakyo obukimanyisibwa ngu Omwegesa), Orara nkaha? 39 Yabagambira ati Muije murarorayo. Baija barora nambere yaraire; baikara nauwe ekiro eki: obuire bukaba buli nkesaha ya ikumi. 40 Omu hali ababiri abahulire Yohana, namukuratira nuwe Andereya, miigenzi  wa Simoni Petero. 41 Uwe akabanza okuzora mugenziwe Simoni, yamugambira ati Tuzoire Masiya (nukwo kugamba obukimanyisibwa ngu Kristo[1])  Yamuleta hali Yesu. 42 Yesu yayamurora nagamba ati Niwe Sinoni omwana wa Yohana: orayetwaga Kefa (amakuru gakyo, obukimanyisibwa ngu[2] Petero).

43 Obuire obubwakire nyenkya akenda kurugayo okugenda Galiraya, yarora Firipo: Yesu yamugambira ati Kuratira nyowe. 44 Kandi Firipo akabali wa Besesaida, omu nsi ya Andereya na Petero. 45 Firipo yazora Nasaneri, yamugambira ati Tumuzoire ogu,  Musaomu biragiro, nabanabi oubahandikireho,nuwe Yesu, omwana wa Yusufu, owa Nazalesi. 46 Nasaneri yamugambira ati Omu Nazalesi hasobora okurugamu ekintu ekirungi? Firipo yamugambira ati Ija  orole. 47  Yesu yarora Nasaneri naija namberali, yamugambaho ati Dora Omuisareri mali atarumubugobya! 48 Nasaneri yamugambira ati Omanyire nkaha nyowe? Yesu yagarukamu namugambira ati Firipo obwabaire atakakwesere, iwe oikaire hansi yomutini, ninkurora. 49 Nasaneri yamugarukamu ati Rabi, niwe Mwana wa Ruhanga; niwe Mukama wa Isareri. 50 Yesu yagarukamu namugambira ati Obwokukugambira nti Nkurozire hansi yomutini, nikyo oikiririze? Olirora ebikuru ebirukukira ebi. 51 Yamugambira ati Mali mali nimbagambira nti Mulirora iguru lisukuirwe, bamaraika ba Ruhanga nibatemba nibasirimuka ha Mwana womuntu.

 

2        YOHANA 2

1 Ha kiro kyakasatu hakaba hali obugenyi obwobugole omu Kana eya Galiraya; na nyina Yesu akaba aloho: 2 kandi Yesu aketwa, nabegeswabe hali obugenyi. 3 Kandi amarwa obugahoireho, nyina Yesu yamugambira ati Tibanyina marwa. 4 Yesu yamugambira ati Mukazi, ninjunana ki nyowe naiwe? akasumi kange tikakahikire. 5 Nyina yagambira abahereza ati Kyona ekyarabagambira, mukikole. 6 Kandi hakaba haliyo entugiro ezamabale mukaga, ezatairweyo nkengeso Ezabayudaya ezokweza okuziri, nambere harugamu, entugiro emuemu, amaizi agensuha ibiri rundi isatu. 7 Yesu yabagambira ati Entugiro muziijuze ainaizi. Baziijuza okuhika ha migoma. 8 Yabagambira ati Mutahe hati, mumutwa’re omugabi wobugenyi. Bamutwa’ra. 9 Kandi omugabi wobugenyi obuyasomereho amaizi gafokere amarwa, atamanyire nambere garugire (baitu abahereza abatahire amaizi bakamanya), omugabi wobugenyi yayeta omuswezi, 10 namugambira ati Abantu bona babanza okutaho amarwa amarungi; kandi abantu obubaiguta, bagaruka nibataho agabihire: iwe oyahuire amarungi okuhika hati bunu. 11 Kanu niko kokuro’raho Yesu akayabandize okukora omu Kana eya Galiraya, nasukura ekitinisakye; abegeswabe nibamuikiriza.

12 Hanyuma yebi yasirimuka Kaperenaumu, uwe na nyina nabene babu nabegeswabe: baikarayo ebiro tibiri bingi.

13 Kandi Okuhingurwaho okwa Bayudaya kukaba kumalize okuhika, Yesu yatemba Yerusalemu. 14 Yasanga omu yekaru abaguzire ente nentama namaiba, nabahingisa efeza baikalire. 15 Yagomora omuguha ogwobuguha, yabinga zona omu yekaru, nentama nente; yasesa efeza ezabakaba nibazihingisa, yajumika ebyasebyabu; 16 yagambira abakaba nibagura amaiba ati Muiheho binu; mutafora enju ya Isenyowe enju ya baguzi. 17 Abegeswabe baijuka kikahandikwa ngu Ihali eryenju yawe lirindya. 18 Kandi Abayudaya bagarukamu nibamugambira ngu Kokuro’raho ki akorukutwoleka akakukoza ebigambo binu? 19 Yesu yagarukamu nabagambira ati Musese yekaru enu, nanyowe ndigiimukiza ebiro bisatu. 20 Abayudaya bagamba ngu Yekaru enu ekombekerwa emyaka amakumi ana mu mukaga, naiwe oligiimukiza ebiro bisatu? 21 Baitu akagamba ha yekaru eyomubirigwe. 22 Nukwo obuyamazire okuhumbuka omu bafu, abegeswabe baijuka akagamba eki; baikiriza ekyahandikirwe nekigambo Yesu ekiyagambire.

23 Kandi obwakabali Yerusalemu ha Kuhingurwaho, omu biro byobugenyi, baingi bakaikiriza ibaralye, obubaboine obwokuro’rahobwe obuyakozire. 24 Baitu Yesu atabesige wenka, baitu akamanya abantu bona, 25 kandi atase’re muntu wena okumumanyisa ebyabantu; baitu uwe wenka akamanya ebikaba biri omu bantu.

 

3        YOHANA 3

1 Kandi hakaba naroho omuntu owomu Bafalisayo, ibaralye Nikodemo, omulemi wa Bayudaya: 2 ogu akaija namberali ekiro, namugambira ati Rabi, tumanyire iwoli mwegesa ayarugire hali Ruhanga: baitu busaho muntu asobora okukora obwokuro’raho obwokora, rundi Ruhanga obwaikara nauwe. 3 Yesu yagarukamu namugambira ati, Mali mali ninkugambira nti Omuntu obwatazarwa bwakabiri, tasobora kubona obukama bwa Ruhanga. 4 Nikodemo yamugambira ati Omuntu nasobora ata okuzarwa obwaba akuzire? nasobora okutaha obwakabiri omu nda ya nyina nokuzarwa? 5 Yesu yagarukamu ati Mali mali ninkugambira nti Omuntu obwatazarwa amaizi Nomwoyo, tasobora okutaha omu bukania bwa Ruhanga. 6 Ekinyakuzarwa omubiri guba mubiri; nekinyakuzarwa Omwoyo guba mwoyo. 7 Otahuni’ra nyowe obwokukugambira nti Kibahiki’ra okuzarwa obwakabiri. 8 Embeho ehulia nambere egonza, naiwe ohu’ra okuhi’ra kwayo, baitu tomanya nambere eruga, nobuhokuba nambere egenda; nukwo aba ati wena anyakuzarwa Omwoyo. 9 Nikodemo yagarukamu namugambira ati Ebigambo ebi bisoboka bita? 10 Yesu yagarukamu namugambira ati Niwe mwegesa wa Isareri, torukumanya ebigambo ebi? 11 Mali mali ninkugambira nti Itwe tugamba ebitumanyire, tutebeza ebitwaboine; nainywe timuikiriza ebyokutebeza byaitu. 12 Obumbagambire ebigambo ebyensi mutarukuikiriza, muliikiriza muta obundibagambira ebigambo ebyomu iguru? 13 Kandi busaho muntu aratembere omu iguru, rundi ogu ayasirimukire okuruga omu iguru, nuwe Mwana womuntu ali omu iguru. 14 Kandi nka Musa okuyahanikire enjoka omu irungu, nukwo Omwana womuntu kimusemerire kiti okuhanikwa: 15 omuntu wena anyakuikiriza abe nobwomezi obutahwaho omwogu.

16 Baitu Ruhanga nukwo yagondeze ati Ensi, nahayo Omwanawe ayazairwe omu wenka, omuntu wena anyakumuikiriza aleke okubura, baitu atunge obwomezi obutahwaho. 17 Baitu Ruhanga atatume Mwana omu Nsi okucwera Ensi omusango; rundi Ensi ejunwe habwe. 18 Anyakumuikiriza tacwerwa musango, baitu atarukuikiriza amazire okucwerwa, baitu taikirize ibara Lyomwana wa Ruhanga ayazairwe omu wenka. 19 Kandi gunu nugwo musango. omusana guizire omu Nsi, abantu nibagonza omuirima okukira omusana; baitu engeso zabu zikaba zibihire. 20 Baitu omuntu Wena anyakukora ekibi, nuwe anoba omusana, kandi taija hali omusana, engesoze zireke okuhanwa. 21 Baitu anyakukora ebyamananu aija hali omusana, engesoze zisukurwe, baitu zikakorwa omu Ruhanga.

22 Hanyuma yebi Yesu akaija nabegeswabe omu nsi ya Buyudaya; yaikarayo hamu nabo 23 nabatiza. Kandi Yohana akaba nabatiza omu Enoni haihi na Salimu, baitu nuho hakaba hali amaizi maingi: baija babatizibwa. 24 Baitu Yohana akaba atakatairwe omu nju yenkomo. 25 Kandi abegeswa ba Yohana bakatera empaka hamu Nomuyudaya omu bigambo byokusemeza. 26 Baija hali Yohana bamugambira ngu Rabi, ogu akabah hamu naiwe nseri ya Yorudani, ouwagambireho, dora ogu nabatiza, abantu bona nibaija namberali. 27 Yohana yagarukamu nagamba ati Omuntu tasobora kuhebwa ekigambo, rundi kimuherirwe okuruga omu iguru. 28 Inywe muli bakaiso bange okunagambire nti Nyowe tindi Kristo, baitu nkatumibwa okumwebembera. 29 Anyakuina omugole nuwe muswezi: baitu enganjani yomuswezi, ayeme’ra namuhu’ra asemererwa muno obwiraka lyomuswezi: okusemererwa kwange oku nukwo kuhikirire. 30 Uwe kimuhikirire okukura, baitu nyowe okufoka omuto.

31 Aruga haiguru alema byona: owomunsi ali wa ha Nsi, againba ebya ha Nsi: aruga omu iguru alema byona. 32 Ekiyaboine nekiyahulire nikyo agamba; kandi busaho muntu aikiriza ebigambobye. 33 Anyakuikirize ebigambobye, buli ataireho akokuro’rahoke ngu Ruhanga wa mananu. 34 Baitu ogu Ruhanga ouyatumire agamba ebigambo bya Ruhanga: baitu tagabira Mwoyo omu ndengo. 35 Isitwe nagonza Omwana, amuhaire byona omu mukonogwe. 36 Anyakuikiriza Omwana, ayina obwomezi obutahwaho; baitu ataikirize Mwana talibona bwomezi, baitu ekiniga kya Ruhanga kiikaire haluwe.

 

4        YOHANA 4

1 Kandi Mukama waitu obuyamanyire Abafalisayo bahulire ngu Yesu ayegesa kandi ngu abatiza baingi okukira Yohana 2 (baitu Yesu wenka atabatize,  rundi abegeswabe), 3 yaruga omu Buyudaya yagenda Galiraya. 4 Kandi kikamuseme’ra okuraba omu Samaliya. 5 Kandi yataha omu kika ekya Samaliya ekyetwa Sukara, ekihe’raine orugonjo Yakobo oruyahaire mutabaniwe Yusufu: kandi iziba lya Yakobo likaba liriyo. 6 Kandi Yesu akaba ajwahire orugendo, yaika’ra ha iziba. Esaha zikaba zihikire nkomukaga. 7 Hakaija omukazi Omusamaliya okutaha amaizi: Yesu yamugambira ati Mpa nywe. 8 Baitu abegeswabe bakaba bagenzire omu maka okugura ebyokulya. 9 Kandi omukazi Omusamaliya yamugambira ati Iwe, Omuyudaya, kiki ekirukukunsabisa ekyokunywa nyowe omukazi Omusamaliya? (Baitu Abayudaya tibaterana Nabasamaliya). 10 Yesu yagarukamu namugambira ati Kakuba omanyire ekisembo ekya Ruhanga, nogu i arukukugambira ati Mpa nywe;  iwe wakumusabire, nauwe yakukuhaire amaizi agomire. 11 Omukazi yamugambira ati, Tata, tonyina kyokutaha, kandi iziba lihamire: noiha nkaha amaizi ago agomire? 12 Iwoli mukuru okukira isenkuru itwe Yakobo ayatuhaire iziba, nanywaho uwe nabanabe nenteze? 13 Yesu yagarukamu namugambira ati Wena anyakunywa ha maizi ganu aligaruka okukwatwa iroho: 14 baitu wena anyakunywa ha maizi agandimuha talikwatwa iroho ebiro nebiro; baitu amaizi agandimuha galifoka omundaye iziba lyamaizi nigadubuka hali obwomezi obutahwaho. 15 Omukazi yamugambira ati Tata, mpa amaizi ago ndekege okukwatwa iroho, nobukwakuba okuija hanu hara okutaha. 16 Yesu yamugambira ati Genda, oyete baro, ogaruke oije hanu. 17 Omukazi yagarukamu namugambira ati Tinyina ibanyowe. Yesu yamugambira ati Ogambire kurungi oti Tinyina ibanyowe: 18 baitu okaba oyina babaro batano; nogu owonyina hati tali baro: eki okigambire  ainananu 19 Omukazi yamugambira ali Tata, nyetegerize nti iwoli nabi. 20 Baisenkuru itwe baramyaga ha rusozi runu; nainywe mugamba ngu Ha  Yerusalemu nuho kisemerire abantu okuramizaga. 21 Yesu yamugambira ati Omukazi, ikiriza nyowe, akasunii nikaija,  akamutaliramizamuga Isitwe ha rusozi runu nobuhokuba Yerusalemu. 22 Inywe muramya ekimutarukumanya: itwe turamya ekiturukumanya: baitu okujunwa nukuruga omu Bayudaya. 23 Baitu akasumi nikaija, kandi kahikire, abarukuramya amazima akabararamizamuga Isitwe omu mwoyo namananu: baitu Isitwe nase’ra abali nkabo okuba abarukumuramya.  Ruhanga mwoyo; 24 nabo abamuramya kibahikirire okumuramya omu mwoyo namananu. 25 Omukazi yamugambira ati Manyire nti Masiya naija (ayetwa Kristo): obwaliija alitusobo’ra ebigambo  byona. 26 Yesu yamugambira ati Ninyowonu o arukubaza naiwe.

27 Ahonaho abegeswabe baija; bahuni’ra baitu akaba nabaza nomukazi; baitu busaho muntu ayagambire ati Nose’ra ki? rundi ngu Kiki obaza nauwe? 28 Kandi omukazi yasiga omunagagwe, yagenda omu kika, yagambira abantu ati, 29 Muije, murole omuntu angambire ebinakozire byona: ogu nuwe Kristo? 30 Baruga omu kika nibaija namberali. 31 Kandi abegeswa bakaba nibamweseugereza nibagamba ngu Rabi, lya. 32 Baitu yabagambira ati Nyina ebyokulya ebimutarukumanya. 33 Nukwo abegeswa babaza bonka ngu Haroho omuntu amuletire ekyokulya. 34Yesu yabagambira ati Ebyokulya byange nukwo kukora ayantumire ebyagonza, nokuhikiriza emirimoye. 35 Inywe timurukugamba ngu Hasigaireho amezi ana, okugesa kuije? dora nimbagambira nti Muimukye amaiso ganyu,. mprole emisiri, emazire okwera okugeswa. 36 Anyakugesa ahebwa empera, asoroza ebyana ebyobwomezi obutahwaho; anyakusiga nanyakugesa basemererwa hamu. 37 Baitu ekigambo kinu nukwo kya mananu ngu Ondi asiga, ondi agesa. 38 Nyowe nkabatuma okugesa ekimutarakolire mirimo: abandi bakakora emirimo, nainywe mutahire omu mirimo yabu.

39 Kandi hali abomu kika eki A basamaliya baingi bakamuikiriza habwekigambo kyomukazi, ayagambire ati Angambire ebinakozire byona. 40 Kandi Abasamaliya obubaizire namberali, bamwesengereza aikale nabo: yaikarayo ebiro bibiri. 41 Abandi baingi bamuikiriza habwebigambobye; 42  nibagambira omukazi ngu Hati bunu titurukuikiriza obwokugamba kwawe: baitu twehulirire itwenka, twetegerize ngu Mananukwo ogu nuwe Mujuni wensi.

43 Ebiro ebibiri obubyahinguireho yarugayo okugenda Galiraya. 44 Baitu Yesu wenka akatebeza ati nabi tabaho kitinisa omu nsi yowabu. 45 Nukwo obuyaizire Galiraya, Abagaliraya bamutangi’ra obubaboine ebigambo byona ebiyakolire Yerusalemu ha bugenyi: baitu nabo bakagenda ha bugenyi.

46 Kandi yagaruka yaija ha Kana eya Galiraya, nambere yafoire amaizi amarwa. Hakaba haliyo omunyoro womukama, omwanawe akaba arwalire Kaperenaumu. 47 Obuyahulire ngu Yesu arugire omu Buyudaya, aizire Galirayayagenda namberali, yamwesengereza asirimuke, akize omwanawe; baitu akaba amalize okufa. 48 Yesu yamugambira ati Obumutabona obwokuro’raho nebyamahano timuliikiriza na kake. 49 Omunyoro womukama yamugambira ati Tata, osirimuke omwana wange atakafire. 50 Yesu yamugambira ati Wegendere; omwana wawe ayomire. Omuntu ogu yaikiriza ekigambo Yesu ekiyamugambire, yagenda. 51 Kandi obwakaba nasirimuka, abairube rubale bamutdngana nibagamba ngu Omwana wawe ayomire. 52 Uwe yabakaguza esaha eyabandizemu okukira. Bamugambira ngu Ijo obuire nkesaha eyomusanju omusuija gukamurugaho. 53 Nukwo ise yamanya ati nuhomu kasumi ako Yesu akayamugambiremu ati Omwana wawe ayomire: uwe yaikiriza nenjuye yona. 54 Kandi kanu niko kokuro’raho akakabiri Yesu akayakozire, obuyarugire Buyudaya okuija Galiraya.

 

5        YOHANA 5

1 Hanyuma yebi hakaba haroho obugenyi bwa Bayudaya; Yesu yatemba Yerusalemu.

2 Kandi omu Yerusalemu hali irembo lyentama haroho ekijongo,..ekibeta omu Ruheburaniya ngu Beseseda, ekiroho obuju butano. 3 Omwobu nuho habyamamuga ekitebe kyabarwaire, abafu bamaiso, abaramaire, abazingamire [nibategereza amaizi okubimba: 4 baitu maraika wa Mukama yasirimukaga obundi nobundi nabimbisa amaizi: nubwo wena ayabanzaga okugendamu, amaizi gamazire okubimba, yakiraga orufu rwona orwamukwataga]. 5 Hakaba haliyo omuntu omu, akaba anyina endwara emazire emyaka amakumi asatu mu munana. 6 Yesu obuyamuboine abyamire, kandi amanyire akamazire ebiro bingi, yamugambira ati Noyenda okukira? 7 Omurwaire yamugarukamu ati Tata, tinyina muntu owokunta omu kijongo amaizi nambere gabimbira: baitu obumba ninyija, ondi nambanza okusirimuka. 8 Yesu yamugambira ati Imuka, ohimbe ekirago kyawe, ogende. 9 Ahonaho omusaija yakira, yayetweka ekiragokye yagenda.

10 Kandi ekiro kiri kikaba kiri Sabiti. Abayudaya bagambira ogu ayakizire ngu Hati Sabiti, kyomuziro iwe okwetweka ekirago kyawe. 11 Baitu yabagarukamu ati Ogu ankirize, nuwe angambire ati Wetweke ekirago kyawe ogende. 12 Bamukaguza ngu Omuntu ogu noha akugambire ati Wetweke, ogende? 13 Baitu ogu ayakizire atamanye okwali: baitu Yesu akaba ayegendire, baitu abantu abakaba baloho omu kiikaro eki baingi. 14 Hanyuma Yesu yamuzora omu yekaru, yamugambira ati Dora, oyomire: otalisisa obundi, rundi ekigambo ekirukukira obubi kireke kukuhikaho. 15 Omusaija ogu yagenda, yagambira Abayudaya ati nuwe Yesu amukirize. 16 Abayudaya nikyo bahigire Yesu, baitu akakora ebigambo ebi ha Sabiti. 17 Baitu Yesu yabagarukamu ati Isenyowe nakora na hati hona, nanyowe ninkora. 18 Abayudaya nikyo bagarukire okuse’ra okumuita, baitu atasise Sabiti yonka, kandi obwokweta Ruhanga Ise wenka, nayeyinganiza wepka na Ruhanga.

19 Kandi Yesu yagarukamu nabaganibira ati

Mali mali nimbagambira nti Omwana tasobora wenka okukora kigambo kyona, rundi ekyarora Isitwe nakora, baitu uwe ebyakora byona, Nomwana nukwo abikora ati. 20 Baitu Isenyowe nagonza Omwana, kandi amwoleka ebyakora wenka byona: kandi alimwoleka ebirukukira binu, inywe muhuni’re. 21 Baitu nka Isenyowe okwahumbura abafu nabaha obwomezi, nukwo Nomwana abaha ati obwomezi abayenda okuha. 22 Baitu na Isenyowe tacwera muntu omusango, baitu akamuha Omwana okucwa omusango gwona; 23 bona batine Omwana, nkokubatina Isenyowe. Atarukutina Mwana tariikutina Isenyowe ayamutumire. 24 Mali mali nimbagambira nti  Anyakuhu’ra ekigambo kyange, namuikiriza ayantumire, nuwe anyina obwomezi obutahwaho, kandi talitaha omu musango, baitu amazire okuruga omu kufa okutaha omu bwomezi. 25 Mali mali nimbagambira nti Akasumi nikaija, kandi karoho hati bunu, abafu akabalihuli'ramu iraka Lyomwana wa Ruhanga; nabo abahu’ra balyomera. 26 Baitu nka Isenyowe okwanyina obwomezi omuluwe, nukwo yamuhaire ati Omwana okuba nobwomezi omuluwe: 27 kandi akamuha obusobozi okuewa omusango, baitu nuwe Mwana womuntu. 28 Mutahuni’ra eki: baitu akasumi nikaija, bona abali omu bituro aka29 balihuli’ramu Irakalye, kandi balirugamu; abo abakozire okurungi hali okuhumbuka okwobwomezi; nabo abakozire okubi hali okuhumbuka okwomusango.

30 Tindukusobora kukora kintu habwange: nkokumpu’ra nukwo ncwa omusango: nomusango oguncwa gwobulyo; baitu tinse’ra ebingonza nyenka, rundi ogu ayantumire ebyagonza. 31 Obunyegambira ebyange nyenka, okwegambira kwange tukuli kwa mananu. 32 Haroho ondi angambaho ebyange; kandi ’manyire nti ebyange ebyangambaho bya mananu. 33 Inywe mukatumira Yohana, nauwe yagamba ha amazima. 34 Baitu okumanyisibwa okunyikiriza tukuruga omu bantu: baitu ningamba ebi, inywe mujunwe. 35 Ogu akabali etabaza erukwaka erukujwa: nainywe mukaikiriza akasumi kake okusemere’rwa omusanagwe. 36 Baitu okumanyisibwa okunyina kukuru okukira okwa Yohana: baitu emirimo Isenyowe eyiyampaire okugihikiriza, niyo yonka eyinkora, niyo emanyisa ebyange, Isenyowe nuwe yantumire. 37 Kandi Isenyowe ayantumire nuwe yamanyisize ebyange. Timukahu’raga irakalye. nobukwakuba okurora ekisisanikye. 38 Kandi timunyina ebigambobye ebiikara omulinywe; baitu ogu ouyatumire timurukumuikiriza. 39 Muse’ra omu byahandikirwe, baitu nimutekereza ngu omwebi numwo munyina obwomezi obutahwaho; nibyo bimanyisa ebyange; 40 kandi timurukwenda kuija namberendi mube nobwomezi. 41 Tindukuikiriza ekitinisa ekiruga omu bantu. 42 Baitu mbamanyire inywe, timunyina kugonza kwa Ruhanga omulinywe. 43 Nyizire omu ibara lya Isenyowe, timurukunyikiriza: ondi obwaliija omu ibaralye wenka, ogu mulimuikiriza. 44 Nimusobora muta okuikiriza, inywe abarukwenda kuhebwa ekitinisa inywenka nainywenka, nekitinisa ekiruga hali Ruhanga omu wenka timurukukise’ra? 45 Mutatekereza ngu ndibanyege’ra hali Isenyowe: haroho omu abanyege’ra, nuwe Musa, oumurukunihira. 46 Baitu kakuba muikirlze Musa, nanyowe mwakunyikirize; baitu akahandikira nyowe. 47 Baitu obumutaikiriza ogu ebiyahandikire, muliikiriza muta ebigambo byange?

 

6        YOHANA 6

1 HANYUMA yebi Yesu yagenda nseri yenyanja eya Galiraya, niyo ya Tiberiya. 2 Ekitebe kingi nikimukuratira, baitu bakarora obwokuro’raho obuyakozire hali abarwaire. 3 Yesu yatemba ha rusozi, yaika’rayo hamu nabegeswabe. 4 Kandi Okuhingurwaho, nubwo bugenyi Bwabayudaya, kukaba kumalize okuhika. 5 Kandi Yesu yaimukya amaiso, yarora ekitebe kingi nikiija namberali, yagambira Firipo ati Turagura nkaha emigati, banu egibaralya? 6 Akagamba ati okumulenga: baitu akamanya wenka ekyarakora. 7 Firipo yamugarukamu ati Emigati eyomuhendo edinali bikumi bibiri teyakubaigusize, bona okukomaho kake. 8 Omu hali abegeswabe, Andereya, mugenzi wa Simoni Petero, yamugambira 9 ati Hanu haroho omwojo anyina emigati etano nencu ibiri: baitu binu biramara bita abaingi abaingaine aho? 10 Yesu yagamba ati Mubaikalize hansi abantu. Kandi hakaba haliyo obunyansi bwingi omu kiikaro eki. Abasaija baika’ra hansi, omuhendo gwabu nkenkumi itano. 11 Kandi Yesu yakoma emigati; obuya: mazire okusima yagigabira bali abaikalire; nukwo nencu nkokubagondeze. 12 Obubaigueire yagambira abegeswabe ati Musoroze oburagalika obusigaireho, haleke okubura ekintu. 13 Babu; soroza, nibaijuza ebigega ikumi nabibiri bburagalika obwemigati etano obwasigaireho, abalire obubasigireho. 14  Kandi abantu obubaboine akokuro’raho akayakozire, bagamba ngu Mazimakwo onu nuwe nabi ogu arukuija omu Nsi.

15 Kandi Yesu obuyayetegenze ati nibenda okuija okumukwata bamufole omukama, yagaruka narugayo nagenda ha rusozi wenka.

16 Baitu obuire bukaba bwa sa kuira, abegeswabe basirimuka ha nyanja; 17 bagwe’ra omu bwato nibambuka enyanja okugenda Kaperenaumu. Obuire bukaba buizire, kandi Yesu akaba ata; 18 kaizire namberebali. Enyanja ekaba nekakuka obwihunga erii ngi. 19 Kandi obubamazire okugoya esitadyo .nkamakumi abiri muitano, rtiiidi amakumi asatu, barora Yesu nagendera ha nyanja, nai’ra haihi obwato: batina. 20 Baitu yabagambira ati Ninyowonu; mutatina. 21 Kandi bagonza okumutahya omu bwato: ahonaho obwato bwahika ha musa nambere bakaba nibagenda.

22 Obuire obubwakire nyenkya abekitebe abayemerire nseri yenyanja obubaboine ngu busaho bwato bundi, rundi bumu, kandi Yesu tagwerire omu bwato hamu nabegeswabe, baitu abegeswabe bagenzire bonka 23 (baitu obwato bwaijaga nuburuga Tiberiya haihi nekiikaro nambere balire emigati, Mukama waitu obuyamazire kusima): 24 nukwo abekitebe obubaboine Yesu taloho, nobubakuba abegeswabe, nabo bagwe’ra omu bwato, baija Kaperenaumu nibase’ra Yesu. 25 Obubamuzoire nseri yenyanja, bamugambira ngu Rabi oizire di hanu? 26 Yesu yabagarukamu nagamba ati Mali mali nimbaga mbiranti Timurukunse’ra obwokubona obwokuro’raho, baitu obwokulyaha migati, nobwokuiguta. Mutakole’ra 27 byokulya ebih waho, rundi mukolere ebyokulya ebiikaraho okuhika ha bwomezi obutahwaho, Omwana womuntu ebyalibaha: baitu Isitwe,nuwe Ruhanga, amutaireho ogu akokuro’raho. 28 Kandi bamugambira ngu Turagira tuta okukora emirimo ya Ruhanga? 29 Yesu yagarukamu nabagambira ati Gunu nugwo mulimo gwa Ruhanga, okuikiriza ogu ouyatumire. 30 Kandi bamugambira ngu Nukwo, kokuro’raho ki iwe akokora, itwe turole tukuikirize? okora omulimo ki? 31 Baisenkuru itwe bakalya emanu omu irungu; nkokukyahandikirwe ngu Akabaha ebyokulya ebyarugire omu iguru. 32 Kandi Yesu yabagambirajiti Mali mali nimbagambira nti Tali Musa yabahaire ebyokulya ebyarugire omu iguru; rundi Isenyowe nuwe abaha ebyokulya ebyamananu ebiruga omu iguru. 33 Baitu ebyokulya bya Ruhanga nibyebi ebiruga omu iguru, ebiretera Ensi obwomezi. 34Kandi  bamugambira ngu Mukama waitu otuhege obutosa ebyokulya ebi. 35 Yesu yabagambira ati Nanyowe byokulya byobwomezi: anyakuija namberendi talirumwa njara, nanyakunyikiriza talikwatwa iroho na kake. 36 Baitu nkabagambira nti Mumboine, kunu timurukuikiriza. 37 Bona Isenyowe abampa baliija namberendi; o anyakuija namberendi tindimubingira aheru na  kake. 38 Baitu ntaruge omu iguru okukora ebindukugonza nyenka, baitu ogu ayantumire ebyagonza. 39 Ayantumire ekyagonza nikyo kinu ngu Ha kyona ekyampaire haleke okuburaho na kake, baitu nkiimukye ha kiro kya hampero. 40 Isenyowe ekyagonza nikyo kinu, wena anyakurora Omwana, namuikiriza, atunge obwomezi obutahwaho; nanyowe ndimuimukya ha kiro kya hampero.

41 Abayudaya nikyo bamuhyemerire, baitu akagamba ati Ninyowe byokulya ebyarugire omu iguru. 42 Nibagamba ngu Onu tinuwe Yesu omwana wa Yusuf u, outumanyireho ise na nyina? hati bunu nagamba ata Nkaruga omu iguru? 43 Yesu yarukamu nabagambira ati Mutahyema inywenka. 44 Busaho muntu asobora okuija namberendi, Isenyowe ayantumire obwatamucunda; nanyowe ndimuimukya ha kiro kya hampero 45 Kikahandikwa omu banabi ngu Na bona balyegesebwa Ruhanga. Omuntu wena amazire okuhu’ra hali Isenyowe nayega, aija namberendi. 46 Kandi busaho muntu araboine Isenyowe, v rundi ogu ayarugire hali Ruhanga, nuwe yarozire Isenyowe. 47 Mali mali nimbagambira nti Anyakuikiriza ayina obwomezi obutahwaho. 48 Ninyowe byokulya byobwomezi. 49 Baisenkuru inywe balyaga emanu omu irungu nibafa. 50 Binu nibyo byokulya ebiruga omu iguru, omuntu abiryeho aleke kufa. 51 Ninyowe byokulya ebyomire ebyarugire omu iguru: omuntu wena obwalya ha byokulya ebi, alyomera ebiro nebiro: ego, nebyokulya ebindihayo nugwo mubiri gwange, obwobwomezi Bwensi.

52 Kandi Abayudaya bakatera empaka bonka nibagamba ngu Omuntu onu nasobora ata okutuha omubirigwe okugulya? 53 Kandi Yesu yabagambira ati Mali mali nimbagambira nti Obumutalya mubiri gwa Mwana womuntu nimunywa esagamaye, timuyina bwomezi omulinywe. 54 Anyakufutana omubiri gwange nanywa esagama yange ayina obwomezi obutahwaho; nanyowe ndimuimukya ha kiro kya hampero. 55 Baitu omubiri gwange nikyo kyokulya mali, nesagama yange nikyo kyokunywa mali. 56 Anyakulya omubiri gwange nanywa esagama yange buli aikaire omuli nyowe nanyowe omuluwe. 57 Nka Isenyowe omwomezi Okuyantumire, nanyowe nkokundukwomera habwa Isenyowe; nukwo ati anyakundya, nuwealyomera habwange. 58 Ebi nibyo byokulya ebyarugire omu iguru, tikiri nkabaisenkurubo okubalire nibafa: anyakulya ebyokulya binu alyomera ebiro nebiro. 59 Ebigambo ebi akabigambira omu iso’roka niro nayegesa omu Kaperenaumu.

60 Kandi baingi hali abegeswabe obubahulire bagamba ngu Ekigambo eki nikiremera: noha asobora kukihu’ra? 61 Baitu Yesu akamanya omundaye ngu abegeswabe nibahyemera eki, yabagambira atiKinukibatabaijuire? 62 Kiriba kita obumulirora Omwana womuntu natemba nambere akabali kara na kara? 63 Omwoyo nugwo guleta obwomezi; oniubiri tigunyina mugaso: ebigambo ebimbagambire nugwo mwoyo, nubwo bwomezi. 64 Baitu haroho abandi halinywe abatarukuikiriza. Baitu Yesu akamanya okuruga kara na kara abataraikirize okubakaba bali, nogu akaba nayenda okumugobeza okwakabali. 65 Yabagambira ati Nikyo mbagambirire nti Busaho arukusobora okuija namberendi, rundi akihairwe Isenyowe.

66 Baingi omuli abegeswabe nikyo bayegendire, nibagarukayo enyuma, okutagendera obundi hamunauwe. 67 Kandi Yesu yagambira ikumi nababiri ati Kandi nainywe nimwenda okwegendera? 68 Simoni Petero yamugarukamu ati Mukama waitu Turagenda hali oha? Oyina ebigambo ebyobwomezi obutahwaho. 69 Naitwe tuikirize, tumanyire ngu niwe arukwera wa Ruhanga. 70 Yesu yabagarukamu ati Tininyowe nabekomire ihywe ikumi nababiri, kandi omu halinywe wa Setani? 71 Akagamba ha Yuda omwana wa Simoni Isikalyota, baitu nuwe akaba nayenda okumugobeza, nuwe omu hali ikumi nababiri.

 

7           YOHANA 7

1 Hanyuma yebi Yesu yagendaga omu Galiraya: baitu akaba atarukwenda kugendagenda omu Buyudaya, a baitu Abayudaya bakaba nibase’ra okumuita. 2 Kandi obugenyi Bwabayudaya, nubwo bugenyi bwenkande, bukaba bumalize okuhika. 3 Kandi benebabu bamugambira ngu Ruga hanu, ogende Buyudaya, abegeswa bawe nabo barole emirimo yawe eyokora. 4 Baitu busaho akora ekigambo omunsita, nauwe wenka nayenda kurorwa bwerebwere. Obworaba nokora ebi, weyoleke hali Ensi. 5 Baitu benebabu nabo batamuikirize. 6 Yesu yabagambira ati Akasumi kange tikahikire; baitu akasumi kanyu karoho ebiro byona. 7 Ehsi 'tesobora kubanoba; baitu enobere nyowe, baitu nyowe nimanyisa ebyayo nti emirimo yayo ebihire. 8 Inywe mutembe ha bugenyi: nyowe tinkatembere ha bugenyi bunu; baitu akasumi kange tikakahikirire. 9 Obuyamazire kubagambira ebi, yasigara Galiraya.

10 Baitu benebabu obubamazire okutemba ha bugenyi, nauwe yatemba, kandi atagende bwerebwere, rundi nkomunsita. 11 Kandi Abayudaya bamuse’ra ha bugenyi, nibagamba ngu Ogu alinkaha? 12 Hakabaho empaka nyingi omu bitebe haluwe: abandi nibagamba ngu Murungi; abandi nibagamba ngu Nangwa, baitu ahabisa ebitebe. 13 Kandi busaho muntu ayamugambireho bwa obwokutina Abayudaya.

14 Baitu omu bugenyi hagati, Yesu yatemba nataha omu yekaru, yayegesa. 15 Abayudaya bahuhi’ra, nibagamba ngu Onu amanyire ata okusoma, atakegere? 16 Yesu yabagarukamu nagamba ati? Ebyokwegesa byange tibiri byange, rundi byogu ayantumire. 17 Omuntu wena okwaraba nayenda okukora ogu ebyagonza, alimanya ha kwegesa kunu, okukuruga hali Ruhanga, rundi okungamba ebyamagezi gange. 18 Anyakugamba omu magezige wenka nuwe ase’ra ekitinisakye wenka: baitu anyakuse’ra ekitinisa kyogu ayamutumire, nuwe wa mananu, kandi obutahiki’ra busamu omuluwe. 19 Musa atabahe biragiro, kandi omulinywe busaho akwata ebiragiro? Mimuseru’ra ki okunyita? 20 Abomukitebe bamugarukamu ngu Okwasirwe omuzimu noha ase’ra okukuita? 21 Yesu yagarukamu nabagambira ati Nkakora omulimu gumu, nainywe inywena mwahuni’ra. 22 Musa nikyo yabaherire okusara (tukuli kwa Musa, baitu nukwo kwa baisenkuru inywe); kandi ha Sabiti musara omuntu. 23 Omuntu okwaraba asarwa ha Sabiti, ebiragiro bya Musa bireke kusisikara, mumbihirirwe baitu nkakiriza kimu omuntu ha Sabiti? 24 Mutacwa musango gwamaiso, baitu mucwege omusango ogwobulyo.

25 Kandi abamu abomu Yerusalemu bagamba ngu Oubase’ra okuita tinuwonu? 26 Baitu, dora, nagamba bwa, kandi tibaloho ekibamugambira. Abakuru b amanyire mali ogu nuwe Kristo? 27 Baitu tumanyire onu nambere aruga: baitu Kristo obwaliija, busaho alimanya nambere aruga. 28 Kandi Yesu yagambira haiguru omu yekaru nayegesa, nagamba ati Nyowe mu’manyire, kandi mumanyire nambere narugire; nanyowe ntaije habwange nyenka, baitu ogu ayantumire nuwe wa mananu, oumutamanyire inywe. 29 Nyowe ’mumanyire; baitu nkaruga namberali, kandi nuwe yantumire. 30 Kandi base’ra okumukwata, baitu busaho muntu ayamutaireho omukonogwe, baitu akasumike kakaba katakahikire. 31 Baitu baingi abomukitebe bakamuikiriza; nibagamba ngu Krisco obwaliija alikora ebyamahano bingi okukira ogu ebyakozire? 32 Abafalisayo bahu’ra ebitebe nibagambirangana bati haluwe; banyakatagara abakuru Nabafalisayo batuma abaduma okumukwata. 33 Kandi Yesu yagamba ati Hasigaireho akacu kake nyowe ndi hamu nainywe ningaruka ningenda hali ayantumire. 34 Mulinse’ra timulinzora: kandi namberendi, inywe timusobora kuijayo. 35 Kandi Abayudaya bagambirangana ngu Ogu nayenda kugenda nkaha, itwe nambere tutalimubona? nayenda kugenda hali abo abatabanire omu Bayonani, ayegese Abayonani? 36 Kinu kiki ekyagambire ati Mulinse’ra timulimbona: kandi ati namberendi inywe timusobora kuijayo?

37 Kandi ha kiro kyahampero, nikyo kikuru ekyobugenyi, Yesu akeme’ra nagambira haiguru ati Omuntu obwakwatwa iroho aije namberendi, anywe. 38 Anyakuikiriza nyowe, nkekyahandikirwe okukigamba, omundaye nuho halituruka ebyambu ebyamaizi agomire. 39 Baitu eki akakigamba ha Mwoyo, ogubakaba nibagenda kuhebwa abamuikirize: baitu Omwoyo akaba atakagabirwe: baitu Yesu akaba atakanyumizibwe. 40 Kandi abekitebe obubahulire ebi bagamba ngu Mananukwo ogu nuwe nabi. 41 Abandi bagamba ngu Onu nuwe Kristo. Baitu abandi bagamba ngu Nangwa, Kristo aruga omu Galiraya? 42 Ekyahandikirwe kitagambe ngu Kristo aruga omu baijukuru ba Daudi, omu Beterehemu, ekika Daudi häkabali? 43 Nukwo abekitebe batire bati empaka haluwe. 44 Abamu bakaba nibenda kumukwata; baitu busaho ayamutaireho mikono.

45 Kandi abaduma baija hali banyakatagara abakuru Nabafalisayo; babagambira ngu Kiki ekibahinzire okumuleta? 46 Abaduma bagarukamu ngu Omuntu wena takagambaga ati. 47 Abafalisayo babagarukamu ngu Kandi ahabisize nainywe? 48 Araha hali abakuru ayamuikirize, rundi hali Abafalisayo? 49 Baitu eki,tebe kinu abatamanyire biragiro bakyenerwe. 50 Nikodemo (nuwogu ayaizire häli ira, nuwe mutahi wabu) yabagambira ati Niyo 51 ngeso yaitu okucwera omuntu omusango, batakahulire bigambobye nobukwakuba okumanya ekyakozire? 52 Bagarukamu nibamugambira ngu Naiwe oli wa Galiraya? Se’ra, orole? nabi taruga omu Galiraya.

53 Kandi bataha omuomu omu maka gabu:

 

8        YOHANA 8

1 Baitu Yesu yagenda ha rusozi rwa Zeituni. 2 Kandi nyenkya kara yagaruka nataha omu yekaru, abantu bona baija namberali; yaika’ra, yabegesa. 3 Abahandiki Nabafalisayo baleta omukazi oubakwasire nasihana: bamuta hagati, 4 nibamugambira ngu Omwegesa, omukazi onu bamukwasire nasihana, bamusangire. 5 Kandi omu biragiro Musa akaturagira okubatera amabale abarukukora bati: Iwe nogamba ota haluwe? 6 Eki bakakigamba okumulenga, babe nekigambo ekibaramulega. Baitu Yesu yainama nahandika norukumu ha itaka. 7 Baitu obubagarukire okumukaguza, yayeme’ra nabagambira ati Omulinywe atakasisaga abanze okumutera ibale. 8 Yagaruka yainama, nahandika norukumu ha itaka. 9 Nabo obubahulire basomoke’ra omuomu, abakuru nibabanza, okuhika ha bampero: Yesu yasigaraho wenka, nomukazi ali hagati. 10 Yesu yayeme’ra yamugambira ati Omukazi balinkaha? busaho acwire omusango okukusinga? 11 Nauwe yagamba ati Busaho muntu, Mukama wange. Yesu yagamba ati Nanyowe tindukucwa omusango okukusinga: genda, okubanza bati otalisisa obwakabiri.

12 Kandi Yesu yagaruka nabagambira ati Ninyowe musana gwensi: anyakukuratira nyowe taligenda omu muirima, baitu aliba nomusana ogwobwomezi. 13 Kandi Abafalisayo bamugambira ngu Iwe noyegamba wenka; okwegamba kwawe tikuli kwa mananu. 14 Yesu yagarukamu nabagambira ati Nobundaba ninyegamba nyenka, okwegamba kwange kwa mananu; baitu ’manyire nambere narugire, na handigenda; baitu inywe timumanyire nambere narugire, nobuhokuba nambere ndigenda. 15 Inywe mucwa omusango nkomubiri okuguli; nyowe tincwera muntu omusango. 16 Nukwo, nobundaba nincwa omusango, okucwa kwange kwa mananu; baitu nyowe tindi omu, baitu ndi hamu na Isenyowe ayantumire. 17 Kandi omu biragiro byanyu nuho kyahandikirwe ngu Okugamba kwa bantu babiri nukwo kwa mananu. 18 Ninyowe ndukwegamba nyenka, na Isenyowe ayantumire nuwe agamba ebyange. 19 Kandi bamugambira ngu ’So araha? Yesu yagarukamu ati Inywe timumanyire nyowe, nobwakuba Isenyowe: kakuba mumanyire nyowe, mwakumanyire na Isenyowe. 20 Ebigambo ebi akabigamba omu lyahu’ro, nayegesa omu yekaru: kandi busaho ayamukwasire; baitu akasumike kakaba katakahikire.

21 Kandi yagaruka nabagambira ati Nyowe ningenda, nainywe mulinse’ra, mulifera omu bibi byanyu: handukugenda timulisobora kuijayo. 22 Kandi Abayudaya bagamba ngu Nayenda kweyita? baitu nagamba ati Nambere ndukugenda timulisobora kuijayo. 23 Yabagambira ati Inywe muli ba hansi; nyowe ndi wa haiguru: inywe muli bomunsi enu; nyowe tindi womunsi enu. 24 Nikyo mbagambirire nti Mulifera omu bibi byanyu: baitu obumutaikiriza Ninyowogu, mulifera omu bibi byanyu. 25 Kandi bamugambira ngu Niwoha? Yesu yabagambira ati Nkokunabagambire okuruga kara na kara. 26 Nyina bingi ebyokubagambaho nokubacwera omusango: baitu ogu ayantumire nuwe wa mananu; nanyowe ebinahulire hali nibyo ngambira ensi. 27 Batamanye akabagambira hali Isitwe. 28 Kandi Yesu yagamba ati Obumulikamara okuhanika Omwana womuntu nubwo mulimanya ngu ninyowogu, kandi nyowe tinkora habwange, baitu nka Isenyowe okuyanyegeseze nukwo ngamba ebi. 29 Kandi ogu ayantumire ali nanyowe; atansige nyenka; baitu nkora obutosa ebyagonza. 30 Obwakaba nagamba ebigambo ebi, abantu baingi bakamuikiriza.

31 Kandi Yesu yagambira Abayudaya abo abamuikirize ati Obumufaba nimuikara omu kigambo kyange, nukwo muli begeswa bange mali; 32 kandi mulimanya amananu, namananu galibafora bobugabe. 33 Bamugarukamu ngu Tuli bana ba Iburahimu, titukatungwaga muntu wena: ogambire ota ngu Mulifoka bobugabe? 34 Yesu yabagarukamu ati Mali mali nimbagambira nti Omuntu wena obwakora ekibi, nuwe muiru rubale wekibi. 35 Kandi omuiru rubale taikara omu nju ebiro nebiro: omwana nuwe aikara omu nju ebiro nebiro. 36 Nukwo Omwana obwalibafora abobugabe muliba bobugabe mali. 37 Manyire nti muli bana ba Iburahimu: kandi nimuse’ra okunyita, baitu ekigambo kyange tikinyina mwanya omulinywe. 38 Nyowe ngamba ebigambo ebinarozire hali Isenyowe: nainywe mukora ebinrwahulire hali isinywe. 39 Bagarukamu nibamugambira ngu Iburahimu nuwe isitwe. Yesu yabagambira ati Kakuba muli bana ba Iburahimu, muba mukora engeso za Iburahimu. 40 Baitu hati bunu nimuse’ra okunyita, omuntu abagambire ebyamananu, ebinahulire hali Ruhanga: Iburahimu atakole ati. 41 Inywe mukora emirimo ya isinywe. Bamugambira ngu Itwe tituli bana bebitwekano, tuyina isitwe omu, nuwe Ruhanga. 42 Yesu yabagambira ati Kakuba Ruhanga ali isinywe mwakugondeze nyowe; baitu nkaruga hali Ruhanga, ninyija; kandi ntaije habwange nyenka, baitu ogu nuwe yantumire. 43 Kiki ekibahinzire okumanya ebingambire? Baitu timusobora kuhu’ra bigambo byange. 44 Muli ba isinywe Setani, kandi nimugonza okukora okwegomba kwa isinywe. Ogu okuruga kara na kara akabali muisi; takaikaraga omu mananu, baitu amananu busamu omuluwe. Obwabiha ebisuba, buli agamba ebye, baitu ogu mubihi, nuwe ise ebisuba, 45 Baitu nyowe obwokugamba ebyamananu, inywe timurukunyikiriza. 46 Noha halinywe anyomereza ekibi? Obundaba ningamba ebyamananu kiki ekibahinzire okunyikiriza? 47 Owa Ruhanga ahu’ra ebigambo bya Ruhanga: nikyo mutarukuhuli’ra, baitu timuli ba Ruhanga. 48 Abayudaya bagarukamu nibamugambira ngu Titugambire kurungi ngu Oli Musamaliya, kandi oloho omuzimu? 49 Yesu yagarukamu ati Tinyina muzimu, baitu nyowe ’nyumiza Isenyowe, nainywe timunyumiza nyowe. 50 Baitu nyowe tinse’ra kitinisa kyange nyenka: haroho ase’ra kandi acwa omusango. 51 Mali mali nimbagambira nti Omuntu obwakwata ekigambo kyange talibona kufa ebiro nebiro. 52 Abayudaya bamugambira ngu Hati bunu twetegerize ngu oloho omuzimu. Iburahimu akafa nabanabi; naiwe nogamba oti omuntu obwakwata ekigambo kyange, taliroza ha kufa ebiro nebiro. 53 Iwe oli mukuru okukira isenkuru itwe Iburahimu ayaflre? nabanabi bakafa: weyeta oha? 54 Yesu yagarukamu ati Obundaba ninyenyumiza nyenka, okwenyumiza kwange kuba kwa busa: Isenyowe nuwe a’nyumiza: inywe oumugamba ngu nuwe Ruhanga wanyu: kandi timukamumanyaga, 55 baitu nyowe nimumanya; obundaba ningamba nti tindukumumanya ndasisana nkainywe, omubihi: baitu nimumanya, kandi ninkwata ekigambokye. 56 Iburahimu isenkuru inywe akasemererwa okurora ekiro kyange; kandi akakirora nasemererwa. 57 Abayudaya bamugambira ngu Tokamazire myaka amakumi atano, kandi Iburahimu okamurora? 58 Yesu yabagambira ati Mali mali nimbagambira nti Iburahimu atakazairwe nyowendoho. 59 Kandi bakwata amabale okumutera: baitu Yesu yayesereka yaturuka omu yekaru.

 

9        YOHANA 9

Obwakaba nahinguraho, yarora omuntu ayazairwe omufu wamaiso. 2 Abegeswabe bamukaguza nibagamba ngu, Rabi noha yasisire, onu rundi abamuzaire, nikyo kyamuzalize, omufu wamaiso? 3 Yesu yagarukamu ati Onu atasise nobubakuba bali abamuzaire: rundi emirimo ya Ruhanga eyolekebwe haluwe. 4 Kituhikjrire okukora emirimo yogu ayantumire, obuire buli nyamusana. Ekiro nikiija omuntu ekyatasobora kuko’ramu. 5 Obunyikara omu nsi, ninyowe musana gwensi. 6 Obuyamazire kugamba ati yacwa amacwanta ha itaka, yahyanga itaka namacwanta, yamusiga itaka ha 7 maiso Bamugambira ati Genda, onabe onju kijongo Siroamu (amakuru gakyo ngu Atumirwe). Yagenda yanaba yagarukaho nahweza. 8 Kandi abatahibe nabamuroraga ira aikalire nalSga, bagamba ngu Tinuwogu ayaika’raga nalSga? 9 Abandi bagamba ngu Nuwogu,. abandi nibagamba ngu Nangwa, baitu nar sisana nauwe. Uwe yagamba ati Ninyowonu. 10 Kandi bamugambira ngu Nukwo, amaiso gawe gakaiguka gata? 11 Uwe yagarukamu ati Omuntu ayetwa Yesu akahyanga itaka yansiga ha maiso, nangambira ati Genda ha Siroamu onabe: kandi nagenda, nanaba, nahweza. 12 Bamiigambira ngu Alinkaha ogu? Yagamba ati Timanyire.

13 Bamutwara hali Abafalisayo ogu akabali ira omufu wamaiso. 14 Baitu kikaba kiri Sabiti ekiro oki Yesu ekiyahyangiremu itaka, naigura amaisoge. 15 Kandi Abafalisayo bagaruka nibamukaguza amaisoge okugaigukire. Yabagambira ati Akansiga itaka ha maiso, nanaba, nahweza. 16 Kandi Abafalisayo abamu bagamba ngu Omuntu ogu tali wa Ruhanga, baitu takwata Sabiti. Baitu abandi bagamba ngu Omuntu omusisi nasobora ata okukora obwokuro’raho obuingaine aho? Kandi hakabaho empaka halibo. 17 Kandi bagaruka nibagambira omufu wamaiso ngu Iwe nomweta oha, baitu akakuigura amaiso gawe? Nauwe yagamba ati Nuwe nabi. 18 Kandi Abayudaya bataikirize bigambobye ngu akabali mufu wamaiso, kandi yakira, rundi obubayesere abamuzaire ogu ayahairwe okuhweza, 19 nibabakaguza nibagamba ngu Onu nuwe mwana wanyu oumugamba ngu Akazarwa omufu wamaiso? hati bunu nahweza ata? 20 Abamuzaire bagarukamu nibagamba ngu Tumanyire onu nuwe mwana waitu, kandi akazarwa omufu wamaiso: 21 baitu okwarukuhweza hati bunu titurukumanya: kandi ayaiguire amaiso titumanyire okwali: mumukaguze; musaija mukuru ogu; arayegambira wenka. 22 Abamuzaire nikyo bagambireebiobwokutina Abayudaya: baitu Abayudaya bakaba bamazire kuhanura ngu Omuntu wena obwaramugambaga ati nuwe Kristo abingibwegeomuiso’rokaniro. 23 Nikyo abamuzaire bagambire ngu Mukuru ogu; mumukaguze. 24 Kandi bamweta obwakabiri ogu ayazairwe omufu wa maiso, bamugambira ngu Kugiza Ruhanga: itwe tumanyire omuntu ogu musisi. 25 Uwe yagarukamu ati Okwarabali musisi timanyire: ekigambo kimu eki’manyire ngu Nkabandi omufu wa maiso, baitu hati bunu nimpweza. 26 Bamugambira ngu Akakukora ata? akaigura ata amaiso gawe? 27 Yabagarukamu ati Mazire okubagambira baitu timuhulire: kiki ekibagondeseze okuhu’ra obwakabiri? kandi nainywe nimwenda okufoka abegeswabe? 28 Bamujuma, nibagamba ngu Iwe oli mwegeswawe: baitu itwe tuli begeswa ba Musa. 29 Itwe tumanyire Ruhanga akabaza na Musa: baitu omuntu ogu ti tumanyire nambere yarugire. 30 Omuntu yagarukamu nabagambira ati Kyamahano muno, inywe okutamanya nambere yarugire, kandi akaigura amaiso gange. 31 Tumanyire ngu Ruhanga tahu’ra basisi: baitu omuntu wena obwatina Ruhanga, nakora ebyagonza, ogu amuhu’ra. 32 Ensi ikaba okubanza tikikahu’rwaga ngu Haroho omuntu ayaiguire amaiso gomuntu ayazairwe omufu wamaiso. 33 Omuntu ogu kakuba atali wa Ruhanga takusoboire kukora kigambo. 34 Bagarukamu nibamugambira ngu Iwe okazarwa mali omu bibi, kandi notwegesa itwe? Bamubingira aheru.

35 Yesu yahu’ra oku bamiibingire aheru; yamuzora nagamba ati Iwe noikiriza Omwana wa Ruhanga? 36 Yagarukamu nagamba ati Mukama wange araba ’muikirize? 37 Yesu yamugambira ati Omuboine, kandi rukubaza naiwe nuwogu. 38 Yagamba ati Mukama wange ninyikiriza. Yainuramya. 39 Yesu yagamba ati Omusango nugwo gwandesere omu nsi, abatarukurora barole, nabo abarukurora bafoke abafu bamaiso. 40 Abafalisayo abandi abakaba bali nauwe nibahu’ra ebigambo ebi, bamugambira ngu Naitwe tuli bafu bamaiso? 41 Yesu yabagambira ati Kakuba muli(bafu bamaiso timwakubaire nekibi: baitu hati bunu nimugamba ngu Nturora: ekibi kyanyu kikiroho.

 

10  YOHANA 10

Mali mali nimbagambira nti Ataraba omu irembo nataha omu isibiko lyentama, baitu atemba ahandi, ogu nuwe musuma nomunyagi. 2 Baitu anyakuraba omu irembo nuwe mulisa wentama. 3 Ogu omukumirizi amukingu’raho; nentama zimuhu’ra iraka; azeta entamaze amabara; azisetura aheru. 4 Obwamara okusetura eze zona, azebembera, nentama zimukuratira: baitu zimumanyire iraka. 5 Ondi tizirimukuratira, zirimuiruka kwonka: baitu tizimanyire iraka lyondi. 6 Yesu akabagambira orufumo oru, baitu bo batetegereze bigambo okubiri ebiyabagambire.

7 Kandi Yesu yabagarukamu ati Mali mali nimbagambira nti Ninyowe irembo lyentama. 8 Bona abambandize bakaba bali basuma nabanyagi: baitu entama zitabahu’re. 9 Ninyowe irembo: omuntu obwataha omuli nyowe alijunwa, alihingura, alituruka, alibona irisizo. 10 Omusuma taija, rundi okuiba, nokuita, nokuhwerekereza: Nyowe nkaija zibe nobwomezi, kandi zibe nabwo obwingi. 11 Ninyowe mulisa omurungi: omulisa omurungi ahayo obwomezibwe habwentama. 12 Anyakulisiza empera, atali mulisa, entama zitali ze wenka, obwarora enyamaiswa nija, asiga entama nairuka, kandi enyamaiswa ezisahura ezitabaniza. 13 Airuka baitu wempera, kandi entama taziroho. 14 Ninyowe mulisa omurungi: kandi nimanya ezange, nezange nizimanya nyowe, 15 nka Isenyowe okwarukumanya nyowe, nanyowe okundukuinanya Isenyowe; nanyowe mpayo obwomezi bwange habwentama. 16 Kandi?nyina entama ezindi ezitali zomu isibiko linu: nazo kinsemerire okuzireta, zirihu’ra iraka lyange; kandi ziriba iganalimu; omulisa omu. 17 Isenyowe nikyo angondeza, baitu nyowe mpayo obwomezi bwange, ngaruke mbutwale. 18 Busaho abunyihaho, baitu nyowe nyenka mbuhayo. Ninsobora okubuhayo, kandi ninsobora okugaruka okubutwara. Ekiragiro eki nkakihebwa hali Isenyowe.

19 Kandi Abayudaya bagaruka okutera empaka bonka na bonka obwebigambo ebi. 20 Baingi halibo nibagamba ngu Aloho muzimu, agwire iraro; mumuhuli’ra ki? 21 Abandi nibagamba ngu Ebigambo binuna tibiri byomuntu aloho muzimu. iMuzimu nugusobora okuigura amaiso gabafu bamaiso?

22 Kandi bukaba buli bugenyi obwokuga’ramu obuhyaka omu Yerusalemu, bikaba biri biro byembeho; 23 kandi Yesu akaba nagenda omu kitikyomulyango ekya Sulemani. 24 Kandi Abayudaya bamwehinguliriza nibamugambira ngu Olihikya nkaha okutugurukizagurukiza? Okworaboli Kristo, otugambire mali. 25 Yesu yabagarukamu ati Nkabagambira, baitu timurukuikiriza: emirimo eyinkora omu ibara lya Isenyowe, niyo e’manyisize. 26 Baitu timurukuikiriza, obwokutaba bomu ntama zange. 27 Entama zange zihu’ra iraka lyange, nanyowe nzimanya, nazo zinkuratjra: 28 kandi nziha obwomezi obutahwaho; kandi tiziribura ebiro nebiro, kandi busaho alizisahura omu mukono gwange. 29 Isenyowe ayazimpaire nakira bona amani, kandi busaho asobora okuzisahura omu mukono gwa Isenyowe. 30 Nyowe na Isenyowe tuli omu. 31 Abayudaya bagaruka okukwata amabale okumutera. 32 Yesu yabarugakamu ati Emirimo mingi esemire eyarugire hali Isenyowe nkagiboleka inywe; mulimo ki hali egi ogurukubanteza amabale? 33 Abayudaya bamugarukamu ngu Obwomulimo omurungi titurukukutera amabale, baitu obwokujuma: kandi iwe omuntu okwefora Ruhanga. 34 Yesu yabagarukamu ati Kitahandikwe omu biragiro byanyu ngu Nkagamba nti muli baruhanga? 35 Obwaraba yabesere abo abaruhanga abaizirwe ekigambo kya Ruhanga (kandi Ebyahandikirwe tibisobora okuhwaho) 36 inywe mumugambire muta ogu Isenyowe ouyayereze namutuma omu nsi ngu Ojumire; baitu ngambire nti Ninyowe Mwana wa Ruhanga? 37 Obundaba ntarukukora mirimo ya Isenyowe, muleke okunyikiriza. 38 Baitu obundaba ningikora, nobumuraba mutarukuikiriza nyowe, muikirize emirimo: mumanye, mwetegereze ngu Isenyowe ali omuli nyowe, nanyowe ndi omuli Isenyowe. 39 Bagaruka nibase’ra okumukwata: yaruga omu mikono yabu.

40 Kandi yagaruka nagenda nseri ya Yorudani omu kiikaro Yohana hakabali nabatiza kara; yaikarayo. 41 Baingi bakaija namberali; nibagamba ngu Mazirnakwo Yohana atakole kokuro’raho: baitu byona Yohana ebiyagambire ha muntu onu bikaba biri byamananu. 42 Baingi bamuikiriza oku.

 

11  YOHANA 11

1 Kandi hakaba haroho omu ntu arwaire, Lazaro owa Besaniya, omu kika Malyamu nowanyina Maliza nambere bakaba bali. 2 Malyamu ogu a yasigire Mukama waitu amagita, namusislriza ebigere nisokerye, nuwe akabanyina munyanya Lazaro arwaire. 3 Kandi banyina abo bamutumira, nibagamba ngu Mukama waitu dora, oworukugonza arwaire. 4 Baitu Yesu obuyahulire yagamba ati Oburwaire bunu tibuli bwokumuita, rundi habwekitinisa kya Ruhanga, Omwana wa Ruhanga anyumizibwe obwobu. 5 Kandi Yesu akagonza Maliza nowanyina na Lazaro. 6 Nukwo, obuyahulire ngu arwaire, yayosa ebiro bibiri omu kiikaro hakabali. 7 Kandi hanyuma yagambira abegeswabe ati Tugaruke okugenda omu Buyudaya. 8 Abegeswa bamugambira ngu Rabi, Abayudaya bakfkba nibase’ra okukutera amabale; 9 kandi nogarukayo? Yesu yagariikamu ati Esaha eza nyamusana tiziri ikumi na ibiri? Omuntu obwagenda nyamusana tatabaijuka, baitu arora omusana ogwensi enu. 10 Baitu omuntu obwagenda ekiro atabaijuka, baitu omusana tiguli omuluwe. 11 Nukwo yagambire ati: yagaruka nabagambira ati Enganjani yaitu Lazaro agwijagire; baitu ningenda okumusisimura. 12 Kandi abegeswa bamugambira ngu Mukama waitu, obwaraba agwijagire arakira. 13 Baitu Yesu akagamba ha kufakwe: baitu abo bakatekereza ngu nagamba o: kugwijagira okwoturo. 14 Nubwo Yesu yabagambire bwa ati Lazaro afire. 15 Nanyowe mpirirwe habwanyu, baitu nkaba ntaloho, muikirize; baitu tugende namberali. 16 Kandi Tomasi, ayetwa Didumo, yagambira abegeswa batahibe ati Naitwe tugende, tufere hamu nauwe.

17 Kandi Yesu obuyaizire, yasanga amazire ebiro bina omu kituro.18 Kandi Besaniya kikaba kiri haihi na Yerusalemu, nka sitadyo ikumi naitano; 19 Abayudaya baingi bakaba baizire hali Maliza na Malyamu okubairuki’ra habwa munyanyabo. 20 Nukwo, Maliza obuyahulire ati Yesu naija, yagenda okumutangi’ra: baitu Malyamu yaikara omu nju. 21 Kandi Maliza yagambira Yesu ati Mukama wange, kakuba okaboli hanu, munyanya nyowe tiyakufire. 22 Kandi hati bunu manyire byona ebyorasaba Ruhanga, Ruhanga arakuha. 23 Yesu yamugambira ati Munyanyoko nagenda okuhpmbuka. 24 Maliza yamugambira ati. Manyire alihumbuka ha kuhumbuka okwekiro kya hampero. 25 Yesu yamugambira ati Ninyowe kuhumbuka, nobwomezi: anyakuikiriza nyowe, nobwaraba afire, alyomera: 26 nomuntu wena obwayomera naikiriza nyowe, talifa ebiro nebiro. Noikiriza eki? 27 Yamugambira ati Nukwo, Mukama wange, nyikirize niwe Kristo, omwana wa Ruhanga, aija omu Nsi. 28 Obuyamazire okugamba ati, yagenda nayeta Malyamu owanyina omunsita, nagamba ati Omwegesa aizire, nakweta. 29 Nauwe obuyahulire, yamatuka yagenda namberali. 30 Kandi Yesu akaba atakatahire omu kika, baitu akaba akiri omu kiikaro nambere Maliza yamusangire. 31 Kandi Abayudaya abakaba bali omu nju nauwe nibamuiruki’ra, obubaboine Malyamu namatuka naturuka, bamukuratira nibatekereza ngu nagenda hali ekituro okuli’rayo. 32 Kandi Malyamu obuyaizire Yesu namberali namubona, yagwa hansi ha bigerebye, namugambira ati Mukama wange, kakuba okaboli hanu munyanya nyowe tiyakufire. 33 Kandi Yesu obuyamuboine natera empamo, Nabayudaya abaizire nauwe nibatera empamo, yasinda omu mutima natuntura, 34 nagamba ati Mukamuta nkaha? Bamugambira ngu Mukama waitu, ija orole. 35 Yesu ya’ra amaizi. 36 Nukwo, Abayudaya bagamba ngu Dora, okuyamugondeze. 37 Baitu abandi bagamba ngu Omuntu onu ayaiguire amaiso gomufu wamaiso atasobole kutanga nogu okutafa? 38 Kandi Yesu yagaruka okusinda omundaye, yahika ha kituro. Kikaba kiri buingira, ibale likingirweho. 39 Yesu yagamba ati Muiheho ibale. Maliza, munyanya ogu ayafire yamugambira ati Mukama wange, hati bunu anunkire, baitu amazire ebiro bina okufa. 40 Yesu yamugambira ati Tinkugambire nti Okworaba noikiriza orarora ekitinisa kya Ruhanga? 41 Kandi baihaho ibale. Yesu yaimukya amaisoge haiguru nagamba ati Isenyowe ninkusima, baitu okampu’ra. 42 Kandi nkamanya nti ompu’ra ebiro byona: baitu ngambire habwekitebe ekinyehingulirize, baikirize niwe wantumire. 43 Obuyamazire okugagamba ati, yagambira haiguru ati Lazaro, turuka oije. 44 Akaba afire yaturuka, akubirwe omu bibugo amaguru nemikono; nekikoba kiboherwe ha maisoge. Yesu yabagambira ati Mumuboho’re, mumuleke agende.

45 Kandi baingi hali Abayudaya abaizire hali Malyamu, obubaboine ekiyakozire; bamuikiriza. 46 Baitu abandi bagenda hali Abafalisayo nibabagambira Yesu ebiyakozire.

47 Kandi banyakatagara abakuru Nabafalisayo basoroza orukurato, nibagamba ngu Ntukora ki? baitu omuntu ogu nakora ,obwokuro’raho bwingi. 48 Obuturamulekaho tuti, bona baramuikiriza: Abarumi baliiJa, balituihaho ensi yaitu nihanga lyaitu. 49 Baitu omu halibo, Kayafa, akabali nyakatagara omukuru wabu omu mwaka ogu, yabagambira ati Timurukumanya na kake, 50 nobukwakuba okutekereza ngu Kibasemerire omuntu omu afe habwa bantu, ihanga lyona lireke okuhwereke’ra. 51 Kandi eki atakigambe omu magezige wenka: baitu akabali nyakatagara omukuru wabu omu mwaka ogu, yaragura Yesu nagenda okufa habwa ihanga eri; 52 kandi tiriri ihanga eri lyonka, baitu asoroze ahamu abana ba Ruhanga abatabaine. 53 Nukwo okuruga ha kiro eki bahanura okumuita.

54 Nikyo Yesu yalekire okugendagenda bwerebwere omu Bayudaya, baitu yarugayo nagenda omu nsi haihi nirungu, ha rubuga orwetwa Eferaimu; yaikarayo nabegeswabe. 55 Kandi Okuhingurwaho Kwabayudaya kukaba kumalize kuhika: baingi abarugire omu maka batemba Yerusalemu Okuhingurwaho kutakahikire, beyeze. 56 Kandi base’ra Yesu nibagambirangana, bemerire omu yekaru, ngu Nimutekereza muta? Tarukuija ha bugenyi? 57 Baitu banyakatagara abakuru Nabafalisayo bakaba baragire ngu Omuntu wena araba amanyire namberali, agambe, bamukwate.

 

12  YOHANA 12

1 Kandi ebiro bikaba bisigaireho mukaga okuhika ha Kuhingurwaho, Yesu yaija Besaniya, Lazaro nambere akabali, Yesu ouyahumbuire omu bafu. 2 Kandi bamucumbirayo ebyokulya ebyorwebagyo : Maliza yahereza ; baitu Lazaro akabali omu hali abo abakaba baikalire nauwe ba byokulya. 3 Kandi Malyamu yakwata erateri eyamagita agomugaju agomuhendo omwingi muno, yagasiga ha bigere bya Yesu, yasisiriza ebigere nisokerye : enju yaijura okuboya okwama gita. 4 Baitu Yuda Isikalyota, omu hali abegeswabe, arukugenda kumugobeza, yagamba ati Kiki ekihinzire okugura amagita gauu okugaihamu edinali bikumi bisatu, 5 okugabira abama sege ? Akagamba ati, tukuli kuijuka abamasege, baitu akabali musuma, kandi nuwe yahagatiraga ensahu natwara ebibatamuga. 7 Kandi Yesu yagamba ati Mumuleke agahu’re ekiro ekyokuzikwa kwange. 8 Baitu abamasege nibo munyinabo ebiro byona ; baitu timunyina nyowe ebiro byona.

9 Kandi abairu abomu Bayudaya bakamanya aliyo : baija, tihali habwa Yesu wenka, kandi barole na Lazaro, ouyahu mbuire omu bafu.  10 Baitu banyakatagara abakuru bakacwa amagezi baite na Lazaro; 11 baitu habwe baingi hali Abayudaya bakagenda baikiriza Yesu.

12 Obuire obubwakire nyenkya ekitebe kikoto abakaba baizire ha bugenyi, obubahulire Yesu naija Yerusalemu, 13 batwara enkindo, bagenda okumutangi’ra nibagambira haiguru ngu Hosana : ahairwe omugisa arukuija omu ibara lya Mukama, nuwe Mukama wa Isareri. 14 Kandi Yesu, obuyaboine omwana gwenkaina yagutemba; nko kukyahandikirwe ngu ; 15 Otatina omuisiki wa Sayuni : dora, Omukama wawe naija, atembere omwana gwenkaina. 16 Ebi abegeswabe okubanza batabimanye; baitu Yesu obuyamazire okunyumizibwa, nubwo baijukire ngu ebi bikahandikwa haluwe, kandi ngu bakamukora bati. 17 Kandi ekitebe ekikaba kiri nauwe, obuyayesere Lazaro okuruga omu kituro, namuhumbura omu bafu, batebeza. 18 Nikyo abekitebe bagendire okumutangi’ra, baitu bakahu’ra ngu akakora akokuro’raho kanu. 19 Kandi Abafalisayo bagambiiangana ngu Murole okumutarukusobora na kake ; dora, ensi yona nemukuratira.

20 Kandi hakaba haloho Abayonani abandi omuli abo abatembere ha bugenyi okuramya : 21 abo bakaija hali Firipo, ayarugire Besesaida eyomu Galiraya, bamukaguza nibagamba ngu Tata, ntwenda okurora Yesu. 22 Firipo yaija, yagambira Andereya : Andereya yaija na Firipo, bagambira Yesu. 23 Yesu yabagarukamu nagamba ati Akasumi kahikire Omwana womuntu anyumizibwe. 24 Mali mali nimbagambira nti Akajuma kengano obukatagwa omu itaka nikafa, kaikaraho konka ; baitu obukaraba nikafa, kana ebyana bingi. 25 Anyakugonza obwomezibwe bumubura; baitu anyakunoba obwomezibwe omu nsi enu alibulinda okuhika ha bwomezi obutahwaho. 26 Omuntu wena obwaraba nampereza, ankuratire ; kandi nyowe namberendi, omuhereza wange : nauwe nuho aliikara oku : omuntu wena obwampereza, Isenyowe alimunyumiza. 27 Hati bunu omutima gwange gutuntuire ; kandi ndagamba nta ? Isenyowe njuna okunyiha omu ka sumi kanu. Baitu nikyo naizire omu kasumi kanu. 28 Isenyowe nyumiza ibara lyawe. Kandi iraka lyaruga omu iguru ngu Nkalinyumiza, kandi ndigaruka okulinyumiza. 29 Kandi ekitebe ekikaba kyemerireho obukyalihulire kyagamba ngu Iguru lihinzire : abandi bagamba ngu Maraika agambire najiwe. 30 Yesu yagarukamu nagamba ati Iraka linu titiizire habwange, baitu habwanyu. 31 Hati bunu ensi enu necwerwa omusango ; hati bunu omukuru wensi enu ara bingirwa aheru. 32 Nauyowe obundihanikwa ha nsi, ndicundira namberendi bona. 33 Baitu akagamba ati nayoleka okufa okukuli okuyagenzire kufa. 34 Kandi ekitebe kyamugarukamu ngu Tukahu’ra omu biragiro ngu Kristo aikaraho ebiro nebiro : ogambira ota ngu Omwana womuntu kimuhikirire okuhanikwa ? ogu Omwana womu ntu noha ? 35 Kandi Yesu yabagambira ati Hasigaireho akacu kake omusana gukiroho namberemuli. Mugende mukiyina omusana, obuire buleke kubairi’ra omu muhanda :  anyakugenda omu muirima tamanya nambere agenda. 36 Obumukinyina omusana, muikirize omusana, mufoke abana bomusana.

Yesu obuyamazire kugamba ebi yarugayo yabesereka. 37 Baitu nobwaraba yakozire obwokuro’raho bwingi obuingaine aho omu maiso gabu, batamuikirize : 38 ekigambo kya nabi Isaya kihiki’re ekiyagambire ati « Mukama, noha aikirize ebigambo byaitu ? Kandi omukono gwa Mukama gukasuku’rwa oha ? »

39 Nikyo balemirwe okuikiriza, baitu Isaya akagamba kandi ati « Akabaita amaiso, nabagumya omutima ; 40 Baleke okurora namaiso, nokwetegereza nomutima, Bahinduke, Nyowe mbakize. »

41 Nibyo Isaya yagambire, baitu akarora ekitinisakye ; nagamba haluwe. 42 Baitu omuli abakuru baingi bakamuikiriza ; baitu habwa Abafalisayo batakigambe, baleke okubingwa omu iso’rokaniro : baitu bakagonza ekitinisa ekyabantu okukira ekitinisa ekya Ruhanga.

44 Yesu yagambira haiguru ati Anyakunyikiriza, tarukuikiriza nyowe, baitu ogu ayantumire. 45 Kandi anyakurora nyowe, buli arozire ogu ayantmnire. 46 Nyowe nyizire okuba musana omu nsi, omuntu wena anyakunyikiriza aleke okuikara omu muirima. 47 Kandi anyakuhu’ra ebigambo byange atarukubikwata, nyowe timucwera omusango : baitu ntaije okucwera ensi omusango, baitu okujuna ensi. 48 Anyakwanga nyowe, atarukuikiriza bigambo byange, ayina arukumucwera omusango : ebigambo ebinagambire nibyo birimucwera omusango ha kiro kya hampero. 49 Baitu ntagambe habwange, rundi Isenyowe ayantumire, nuwe yandagire okungamba, kandi okumbaza. 50 Kandi manyire ebiragirobye nubwo bwomezi obutahwaho : ebigambo ebingamba, nka Isenyowe okuyangambire, nukwo ngamba nti.

 

13  YOHANA 13

1 Kandi obugenyi Obwokuhingurwaho obubukaba butakahikire, Yesu obuyamanyire akasumike kahikire okuruga omu nsi enu, okugenda hali Ise, obuyagondeze abe abakaba bali omu nsi, yabagonza okuhika hampero. Obubakaba nibalya ebyokulya byorwebagyo, Setani obuyamazire ira okwohya Yuda Isikalyota, omwana wa Simoni, omu mutimagwe okumugobeza, 3 Yesu obuyamanyire Ise amuhaire byona omu mikonoye, kandi ngu akaruga hali Ruhanga, kandi nagenda hali Ruhanga, 4 yaruga ha byokulya, yajura ebyokujwarabye; yakwata ekikoba, yayetega omunda. 5 Kandi yasesa amaizi omu kanabiro, yabanza kubanabisa ebigere abegeswa, nokubisisiriza ekikoba ekyakaba ayetegeseze. 6 Kandi yaija hali Simoni Petero. Nauwe yamugambira ati Mukama wange iwe no’nabisa ebigere byange ? Yesu yagarukamu namugambira ati Ekindukukora tokimanyire hati bunu ; baitu olimanya hanyuma. 8 Petero yamugambira ati Tonabisege bigere byange ebiro byona. Yesu yamugarukamu ati Obundaba ntarukukunabisa torukuterana nanyowe. 9 Simoni Petero yamugambira ati Mukama wange, tibiri bigere byange byonka, rundi nemikono nomutwe. 10 Yesu yamugambira ati Anyakwogibwe taloho ekyase’ra, rundi okunabisibwa ebigere byonka, baitu asemerezibwe kimu : nainywe muli basemezibwe, baitu timuli inywena. 11 Baitu akamanya aramugobeza ; nikyo yagambire ati Inywena timuli basemezibwe.

12 Kandi obuyamazire okubanabisa ebigere, yajwara ebyokujwarabye, yagaruka naika’ra, yabagambira ati Mumanyire ekimbakozire ? 13 Inywe munyeta Mwegesa kandi Mukama wanyu : kandi mugamba kurungi; baitu nukwo ndi. 14 Nukwo, obundaba nyowe Mukama wanyu, kandi Omwegesa, mbanabisize ebigere, kandi  nainywe kibahikirire okunabisangana ebigere. 15 Baitu mbahaire ekyokuro’raho, kandi nkokumbakozire nyowe, nukwo nainywe mukolege muti.  16 Mali mali nimbagambira nti Omuiru takira obtikuru mukamawe, kandi omukwenda takira obukuru ogu ayamutumire. 17 Muraba mubimanyire ebi, muyina omu gisa obumubikora. 18 18 Tindukugamba halinywe inywena ; nyowe manyire abanakomeremu : baitu ekyahandikirwe kihiki’re ngu Arukulya ha byokulya byange, nuwe anyimdkize ekikongoijokye. 19 Okubanza hati nimbagambira kitakabaireho, kandi obukirikahiki’ra muikirize ninyowonu. 20 Mali mali nimbagambira nti Anyakuikiriza omuntu wena ountuma, buli aikirize nyowe ; kandi anyakuikiriza nyowe buli aikirize ogu ayantumire.

21 Yesu obuyamazire okugamba ati, yatuntura omu mwoyo, yamanyisa nagamba ati Mali mali nimbagambira nti Omu halinywe arangobeza. 22 Abegeswa baroranganaho nibagurukyagurukya ouyagambireho okwali. 23 Hakaba haroho omu hali abegeswabe akaba abyamire omu kifuba kya Yesu ha byokulya, Yesu ouyagonzaga. 24 Kandi Simoni Petero yamusima ogu namugambira ati Tugambire owagambireho okwali. 25 Uwe abyamire omu kifuba kya Yesu nkokwakabali, yamugambira ati Mukama wange noha ? 26 Kandi Yesu yagarukamu ati Oundakoleza entonge ningimuha nuwogu. Obuyakoleze entonge yagikwata yagimuha Yuda omwma wa Simoni Isikalyota. 27 Obuyakamazire kuhebwa entonge, Setani yamutahamu. Kandi Yesu yamugambira ati Ekyorukukora, kora bwango. 28 Baitu ekigambo eki busaho muntu hali abo abakaba baikalire ha byokulya ayakimanyire, ekyamugambisize. 29 Baitu abandi bakatekereza ngu baitu Yuda nuwe akaba nakwata  ensahu Yesu nikyo yamugambirire ati Gura ebiturukuse’ra ebya ha bugenyi; rundi abahe abamasege ekintu. 30 Kandi obuyamazire okuhebwa entonge, ahonaho yaturuka aheru : bukaba buizire.

31 Kandi obuyamazire okuturuka Yesu yagamba ati Hati bunu Omwana womuntu anyumizibwe, na Ruhanga anyumizi bwe omuluwe; 32 kandi Ruhanga alimunyumiza omuluwe wenka, kandi bwango aramunyumiza. 33 Abana abato, ekicu kike nkiri hamu nainywe. Mulinse’ra : kandi nkokunagambire Abayudaya nti Handukugenda, inywe timusobora kuijayo ; kandi nainywe nukwo ndukubagambira hati bunu.   34 Ekiragiro ekihyaka nimbaha ngu Mugonzanganege. 35 Nukwo bona balimanya muli begeswa bange, obumurabaga nokugonzangana inywenka.

36 Simoni Petero yamugambira ati Mukama wange nogenda nkaha ? Yesu yamugarukamu ati Handukugenda, torukusobora kunkuratira hati bunu ; baitu olinkuratira ira. 37 Petero yamugambira ati Mukama wange, kiki ekirukumpinda okukukuratira hati bunu ? Ndahayo obwomezi bwange habwawe. 38 Yesu yagarukamu ati Orahayo obwomezi bwawe habwange ? Mali mali ninkugambira nti Enkoko tekoke obworakahikya kunyehakana emirundi esatu.

 

14  YOHANA 14

1 Omutima gwanyu gutalituntura : nimuikiriza Ruhanga, nanyowe munyikirizege. 2 Omu nju ya Isenyowe harumu ebiikaro bingi ebyokuikaramu. Kakuba kitalikyo, nakubagambire ; baitu ningenda okubatekaniriza ekiikaro. 3 Kandi obundaba ningenda okubatekaniriza ekiikaro, ndigaruka hanu, okubatwara namberendi ; nyowe namberendi nainywe muikaleyoga. 4 Kandi handukugenda, omuhanda mugumanyire. 5 Tomasi yamugambira ati Mukama waitu titurukumanya nambere orukugenda ; omuhanda tuguimanyire tuta ? 6 Yesu yamugambira ati Ninyowe muhanda namananu nobwomezi : busaho aija hali Isenyowe rundi araba omuli nyowe. 7 Kakuba mu’manyire nyowe, na Isenyowe mwakumumanyire : Okubanza hati mumumanya kandi mumurozire. 8 Firipo yamugambira ati Mukama waitu otwoleke Isitwe, nukwo kiratumara. 9 Yesu yamugambira ati Nkaba kuikaraho nainywe, ebiro bingi biti, kandi tokamanyaga nyowe Firipo ? Anyakundozire nyowe, buli arozire Isenyowe. Kiki ekirukugambisa iwe ngu Twoleke Isitwe ? 10 Torukuikiriza nyowe ndi omuli Isenyowe, kandi Isenyowe ali omuli nyowe ? Ebigambo ebimbagambira timbigamba habwange nyenka; rundi Isenyowe obwaikara omuli nyowe nuwe akora emirimoye. 11 Munyikirize ngu nyowe ndi omuli Isenyowe, na Isenyowe omuli nyowe : rundi munyikirize habwemirimo yonka. 12 Mali mali nimbagambira nti Arukuikiriza nyowe, emirimo eyinkora, nauwe aligikora : kandi alikora orukukira egi obukoto ; baitu nyowe ningenda hali Isenyowe. 13 Kandi ekimurasabaga kyona omu ibara lyange ndikikora, Isenyowe anyumizibwe omu Mwana. 14 Obumurasabaga ekigambo omu ibara lyange, eki ndikikora. 15 Muraba nimungonza murakwataga ebiragiro byange. 16 Nanyowe ndisaba Isenyowe, nauwe alibaha Omuhumuza ondi, aikalege nainywe ebiro nebiro. 17 Omwoyo wamananu ;  ensi owetarukusobora kuikiriza; baitu temubona, nobukwakuba okumumanya : inywe nimumumanya ;  baitu naikara namberemuli, kandi aliba omulinywe. 18 Tindibasiga nkenfuzi : ndigaruka nambere muli. 19 Hasigaire akacu kake, ensi okutandora obundi; baitu inywe mundora : obwokwomera nyowe, nukwo nainywe muliba bomezi. 20 Ha kiro eki mulimanya ngu nyowe ndi omuli Isenyowe, nainywe omuli nyowe, nanyowe omulinywe. 21 Anyakuina ebiragiro byange nabikwata, nuwe angonza : anyakungonza, aligonzebwa Isenyowe, nanyowe ndimugonza, ndimubonekera. 22 Yuda (atali Isikalyota) yamugambira ati Mukama waitu, kibaire kita, iwe okweyoleka halitwe, kandi tihali ensi ? 23 Yesu yagarukamu namugambira ati Omuntu obwrangonza alikwata ekigambo kyange : na Isenyowe alimugonza, kandi tuliija namberali, tuliikara nauwe. 24 Atangonza takwata bigambo byange : nekigambo ekimuliu’ra tikiri. kyange, baitu kya Isenyowe ayantumire.

 25 Ebigambo ebi mbagambire nkiri nainywe. 26 Kandi Omuhumuza, Omwoyo Ogurukwera, Isenyowe owalituma omu ibara lyange, ogu alibegesa byona, alibaijukya byona ebinabagambire. 27 Obusinge nimbubasigira; obusinge bwange nimbubaha : tindukubaha nkensi okweha. Omutima gwanyu gutalituntura, nobukwakuba okutina. 28 Muhulire okumbagambire nti Ningenda, kandi ningaruka namberemuli. Kakuba nimungonza mwakusemerirwe, baitu ningenda hali Isenyowe : baitu Isenyowe nankira obukuru. 29 Hati bunu mbagambire kitakahikire, obukirikahika munyikirize. 30 Tinkibaza muno nainywe, baitu omulemi wensi naija : 31 baitu tandoho kigambo; baitu ensi emanye ningonza Isenyowe, kandi nka Isenyowe okuyandagire, nukwo nkora Ati. Muimuke, turrige hanu.

 

15  YOHANA 15

 1 Ninyowe muzabibu ogwamananu, na Isenyowe nuwe mulimi. 2 Itagi lyona eriri omuli nyowe eritana byana aliriihaho : na itagi lyona erinyakwana ebyana, alisemeza, likanye okwana. 3 Inywe b hati bunu mumazire okusemezebwa obwekigambo ekimbagambire. 4 Muikale omuli nyowe, nanyowe omulinywe. Nkitagi okulitasobora okwana ebyana lyonka obulitaikara omu muzabibu, nukwo nainywe timusobora obumutaikara omuli nyowe. 5 Ninyowe muzabibu, ninywe matagi : anyakuikara omuli nyowe, nanyowe omuluwe, nuwe ayana bingi : baitu ha nyowe ntali timuloho ekimurukusobora okukora. 6 Omuntu obwataikara omuli nyowe, anagwa aheru nkitagi, ayoma ; bagasoroza, baganaga omu mu’ro nigahya. 7 Obumuikara omuli nyowe, nebigambo byange obubiikara omulinywe,  musabege ekimurukwenda kyona, mulikikorwa. 8 Omu kinu Isenyowe anyumizibwa, inywe mwane ebyana bingi :  kandi muliba begeswa bange. 9 Nka Isenyowe okuyangondeze, nanyowe mbagondeze inywe : muikale omu kugonza kwange. 10 Obumukwata ebiragiro byange, muliikara omu kugonza kwange; nka nyowe okunakwasire ebiragiro bya Isenyowe, ninyikara omu kugonzakwe. 11 Ebi mbibagambire, okusemererwa kwange kuikale omulinywe, kandi i okusemererwa kwanyu kuhiki’re. 12 Kinu nikyo kiragiro kyange, mugonzanganege, nkokunabagondeze inywe. 13 Busaho anyakuina okugonza kwingi okurukukira kunu, omuntu okuhayo obwomezibwe habwenganjanize. 14 Inywe muli nganjani zange, obumukora ebimbaragire. 15 Tinkibeta bairu rubale : baitu omuiru rubale tamanya mukamawe ebyakora : baitu mbesere enganjani ; baitu byona ebinahulire hali Isenyowe, mbibagambire inywe.

16 Tibali inywe mwakomere nyowe, baitu nyowe nkabakoma inywe, nimbataho mugende mwane ebyana, nebyana byanyu biikaleho : ekimurasabaga kyona Isenyowe omu ibara lyange akibahege. 17 Mbaragire binu mugonzanganege. 18 Ensi obweraba nebanoba, mumanyire ekabanza okunoba nyowe etakanobere inywe. 19 Kakuba muli bensi, ensi yakugondeze abayo ; baitu inywe obwokutaba bensi, : rundi nyowe nkabakoma omu nsi, ensi nikyo ebanobera. 20 Muijuke ekigambo ekinabaganibire nti Omuiru rubale takira mu  kamawe. Baraba bahigire nyowe, nainywe balibahiga ; baraba bakwasire ekigambo kyange, nekyanyu balikikwata. 21 Baitu ebi byona balibikora inywe habwibara lyange, baitu tibarukumanya ayantumire. 22 Kakuba ntaraizire nimbaza nabo, tibakubaire nekibi : baitu hati bununa tibaloho kyoku tongana habwekibi kyabu. 23 Anyakunoba nyowe, anoba na Isenyowe. 24 Kakuba ntarakozire hali bo emirimo etarakozirwe ondi, tibakubaire nekibi; baitu hati bunu barozire nibanoba nyowe na Isenyowe. 25 Baitu kihiki’re ekyahandikirwe omu biragiro byabu ngu Baka’nobera busa. 26 Baitu Omuhumuza obwaliija oundibatumira okuruga hali Isenyowe, Omwoyo owamananu, arukuruga hali Isenyowe, ogu alimanyisa ebyange, 27 kandi nainywe mumanyisa ebyange,  baitu okuruga kara na kara mukaba muli nanyowe.

 

16  YOHANA 16

1 Ebi mbibagambire muleke okwesitara. 2 Balibabinga omu maso’rokaniro : ego, akasumi nikaija, anyakubaita wena alitekereza nahereza Ruhanga. 3 Nebi balibikora, baitu Isenyowe tibamumanyire, nobwakuba nyowe. 4 Baitu ebi mbibagarmbire, kandi akasumi obukalikahika, muliijuka nyowe nkabagambira. Kandi ebi ntabibagambire kara, baitu nkabandi hamu nainywe. 5 Baitu hati bunu ningenda hali ogu ayantumire; kandi busaho halinywe arukunkaguza ati Nogenda nkaha ? 6 Baitu nyowe obwokubagambira ebigambo ebi, emitima yanyu ijuire okuganya. 7 Kandi nyowe nimbagambira amananu; kibaseme’ra inywe nyowe okugenda ; baitu obundaba ntarukugenda Omuhumuza taliija namberemuli; baitu obundigenda, ndimutuma namberemuli. 8 Uwe obwaliija alyomereza ensi habwekibi na habwokuhiki’ra na habwomusango : 9 habwekibi baitu batanyikirize nyowe; 10 habwokuhiki’ra, baitu ningenda hali Isenyowe, kandi nainywe timukindora ; 11 habwomusango, baitu omulemi wensi enu amazire okucwerwa omusango. 12 Nkinyina bingi okubagambira, baitu timurukusobora kubihu’ra hati bunu. 13 Kandi obwaliija, ogu Omwoyo owamananu, alibaterekereza omu mananu gona : baitu talyegambira wenka; baitu byona ebyalihu’ra nibyo aligamba : uwe alibagambira ebirukwenda kuija. 14 Ogu alinyumiza nyowe : baitu alikwata ha byange nabagambira inywe. 15 Byona byona Isenyowe ebyanyinabyo nibyo byange : ekingambire nti Alikwata ha byange nabagambira inywe. 16 Hasigaireho akacu kake, timundole; kandi halibaho akacu kake, mulindora. 17 Abegeswabe abamu nikyo baga; mbiranganire bonka ngu Kiki kinu ekyarukutugambira ati Hasigaireho akacu kake, timundole ; kandi halibaho akacu kake, mulindora ; kandi ati Baitu ningenda hali Isenyowe ? 18 Kandi bagamba ngu, Kiki kinu ekyarukugamba ati Hasigaireho akacu kake ? Titurukumanya ekyagambire. 19 Yesu yamanya nibenda okumukaguza, yabagambira ati Nimukaguzangana inywenka habweki ekingambire nti Hasigaireho akacu kake, timundole, kandi halibaho akacu kake, mulindora ? 20 Mali mali nimbagambira nti Inywe muli’ra, mulitera empamo, baitu ensi erisemererwa : inywe mulituntura, baitu okuntuntura kwanyu kulifoka okusemererwa. 21 Omukazi obwarumwa okuzara atuntura, baitu akasumike kahikire : baitu omwana obwamara okuzarwa, takiijuka okuhururwa, habwokusemere’rwa omuntu okuzarwa omu nsi. 22 Kandi nainywe hati bunu muyina obujune : kandi ndigaruka okubarora, nemitima yanyu erisemererwa, kandi okusemererwa kwanyu, busaho muntu alikubaka. 23 Na ha kiro kiri timulinkaguza kigambo. Mali mali nimbagambira nti obumulisaba Isenyowe ekigambo kyona, alikibaha omu ibara lyange. 24 Okuhika hati timukasabaga kigambo omu ibara lyange : musabe, mulihebwa, okusemererwa kwanyu kuhiki’re.

25 Ebigambo ebi mbibagambire omu nfumo : akasumi nikaija akantalibalizamu nainywe omu nfumo, baitu ndibagambira ebya Isenyowe bwa. 26 Ha kiro eki mulisaba omu ibara lyange : kandi tindukubagambira nti ndibasabira hali Isenyowe ; 27 baitu Isenyowe wenka nabagonza, baitu mugondeze nyowe, kandi muikirize ngu nkaruga hali Isenyowe. 28 Nkaruga hali Isenyowe, ninyija omu nsi : kandi ensi ningirugamu, ningenda hali Isenyowe. 29 Abegeswabe bamugainbira ngu Dora, hati bunu nogamba bwa, torukugamba rufumo. 30 Hati bunu tumanyire ngu omanyire byona, kandi torukuse’ra muntu wena okukukaguza ; nikyo tuikiririze okaruga hali Ruhanga. 31 Yesu yabagarukamu ati Hati bunu muikirize ? 32 Dora, akasumi nikaija, kandi kahikire, akamurararangiramu, omuomu omu bye wenka, nimunsiga nyenka : baitu tindi nyenka, baitu Isenyowe ali hamu nanyowe. 33 Ebi mbibagambire mube nobusinge omuli nyowe. Omu nsi muyina obujune : baitu mugume ; nyowe nsinguire ensi.

 

17  YOHANA 17

1 Yesu akagamba ebi; yaimukya amaiso haiguru nagamba ati, Isenyowe akasumi kahikire ; nyumiza Omwana Wawe, Omwana wawe akunyumize : 2 nkokuwamuhaire obusobozi ha banyakuina omubiri bona, bona abawamuhaire, abahe obwomezi obutahwaho. 3 Bunu nubwo bwomezi obutahwaho, okumanyaiwe Ruhanga omu owamananu, nogu d ouwatumire, Yesu Kristo. 4 Nyowe nkunyumize ha nsi, baitu omulimo oguwampaire okukora nguhikirize. 5  Ai Isenyowe, na hati bunu ’nyumiza nyowe hamu naiwe, omu kitinisa eki  ekinkabanyinakyo hamu naiwe ensi etakabaireho. 6 Mbolekire ibara lyawe abantu abawampaire okubaihamu omu nsi : baKaba bali bawe, wabampa nyowe ; nabo bakwasire ekigambo kyawe. 7 Hati bunu bamanyire ngu byona byona ebiwampaire biruga haliwe : 8 baitu ebigambo ebiwampaire mbibahaire ; babiikiriza, nibamanya mananukwo nkaruga haliwe, nibaikiriza niwe wantumire. 9 Nyowe nimbasabira abo : tindukusabira nsi, rundi abo abawampaire ; baitu bawe : 10 kandi ebyange byona byawe, nebyawe byange: nanyowe nyumizibwa omubo. 11 Tinkiri omu nsi, baitu banu bali omu nsi, nanyowe ninyija namberoli. Isenyowe arukwera obalinde omu ibara lyawe abawampaire ; baikale abamu, nka itwe okutuli. 12 Obunkabandi nabo, nyowe nkabalinda omu ibara lyawe abawampaire : nimbasemba tihakaburaga muntu hali bo, rundi omwana owokuhwereke ’ra ; ebyahandiki 13 rwe bihiki’re. 13 Baitu hati bunu ninyija namberoli; na binu nimbigamba omu nsi, babe nokusemererwa kwange, kuhikiri’re omubo. 14 Mbahaire ekigambo kyawe, kandi ensi ekabanoba, baitu tibali bensi, nka nyowe okuntali wensi. 15 Tindukusaba iwe okubaihamu omu nsi, baitu obalinde omu bubi. 16 Tibali bensi, nka nyowe okuntali wensi. 17 Obeze omu mananu : ekigambo kyawe nigo mananu. 18 Nkokuwantumire omu nsi, nukwo nyowe mbatuma omu nsi. 19 Kandi nyowe ninyeyeza habwabu, nabo bonka bayezebwe omu mananu. 20 Kandi tindukusabira banu bonka, rundi nabo abarukunyikiriza habwekigambo kyabu, bona baikalege abamu; 21 nka iwe, Isenyowe, okwoli omuli nyowe, nanyowe omuliwe, kandi nabo baikale omulitwe : ensi ikirize niwe wantumire. 22 Nanyowe ekitinisa ekiwampaire nkibahaire; 23 baikalege abamu nka itwe okm tuli ; nyowe omubo naiwe omuli nyowe, bahiki’re okuba abamu; ensi emanye niwe wantumire, kandi nogonza bo, nkokuwagondeze nyowe. 24 Isenyowe, abawampaire, ningonza namberendi nabo baikaleyoga nanyowe ; barole ekitinisa kyange ekiwampaire : baitu okagonza nyowe ensi etakahangirwe. 25 Isenyowe ahikirire, ensi tekakumanyaga, baitu nyowe nkakumanya ; na banu bakamanya niwe wantumire ; 26 kandi nkabamanyisa ibara lyawe, kandi ndirimanyisa ; okugonza okuwagondeze nyowe kuikale omubo, nanyowe omubo.

 

18  YOHANA 18

1 Yesu obuyamazire okugamba begeswabe, bayambuka akambu Kidironi, nambere haroho orugonjo, yagenda oku uwe nabegeswabe. 2 Kandi na Yuda ayamugobize, akamanya ekiikaro eki : baitu Yesu yagendayoga emirundi mingi nabegeswabe. 3 Nukwo Yuda, obuyamazire okuhebwa ekihanda kya baserikale nabakuru babu hali banyakatagara abakuru Nabafalisayo, yaijayo, ayina etabaza nebimuli namacumu. 4 Kandi Yesu obuyamanyire ebigambo byona ebiramubaho, yarugayo nabagambira ati Nimuse’ra oha ? 5 Bamugarukamu ngu Yesu owa Nazalesi. Yesu yabagarukamu ati Ninyowonu. Kandi na Yuda arukumugobeza akaba ayemerire nabo. 6 Kandi obuyabagambire ati Ninyowonu, bagarukayo enyuma, bagwa hansi. 7 Yesu yagaruka nabakaguza ati Nimuse’ra oha ? Bagamba ngu Yesu owa Nazalesi. 8 Yesu yagarukamu ati Mbagambire nti ninyowonu : 9 obumuraba nimunse’ra, muleke banu begendere : ekigambo ekiyagambire kihiki’re ati Hali abo abawampaire ntabuzeho nomu.  10 Kandi Simoni Petero akabanyina empirlma, yagisomora, yatema omuiru rubale wa nyakatagara omukuru wabu, namucwaho okutu okwobulyo. Na ibara lyomuiru rubale nuwe Maliko. 11 Kandi Yesu yagambira Petero ati Ga’ramu empirima omu kirweyo kyayo : empwahwa Isenyowe eyiyampaire tinginywe ?

12 Nukwo ekihanda kya baserikale nengabwa enkuru, nabahereza Babayudaya, bakwata Yesu, bamuboha, babanza kumutwara hali Ana ; 13 baitu akabali isezara Kayafa, akabali nyakatagara omukuru wabu omu mwaka guli. 14 Lero Kayafa nuwogu ayabahaire Abayudaya amagezi ati Nikisemera, omuntu omu okufera abantu.

15 Simoni Petero nomwegeswa ondi bakuratira Yesu. Kandi omwegeswa ogu akaba amanyirwe nyakatagara omukuru wabu, yataha na Yesu omu kibira kya nyakatagara omukuru wabu; 16 baitu Petero akaba ayemerire aheru ha ruigi. Kandi omwegeswa ogu ondi akaba amanyirwe nyakatagara omukuru wabu, yaturuka yabaza nomuisiki ogu omukumirizi, yatahyamu Petero. 17 Kandi omuisiki ogu omukumirizi woruigi yagambira Petero ati Naiwe oli womu begeswa bomuntu ogu ? Yagamba ati Tindi wamu. 18 Abairu rubale nabahereza bakaba bemerire aho bahembere omu’ro gwamakara ; baitu ekaberi embeho; nibota omu’ro : na Petero nauwe akabali nabo ayemerire, nayota omu’ro.  19 Kandi nyakatagara omukuru wabu yakaguza Yesu hali abegeswabe, na hali okwegesakwe. 20 Yesu yamugarukamu ati Nyowe nagambiraga ensi bwa ; obukyabukya nayegesaga omu maso’rokaniro, nomu yekaru, nambere baso’rokanira Abayudaya bona; tinkagambaga omunsita kigambo na kimu. 21 Nonkaguliza ki ? kaguza abampulire, ebinabagambire : 22 dora, nibo bamanyire ebinagambire Obuyagambire ebi, omu haL abahereza, akaba ayemerire haihi, yatera Yesu orulii nagamba ati Nogarukamu oti nyakatagara omukuru wabu ? 23 Yesu yamugarukamu ati Obundaba ngambire kubi, onyomereze ekibi : baitu kiraba kiri kirungi nonte’ra ki ? 24 Kandi Ana yamutuma aboherwe hali Kayafa nyakatagara omukuru wabu.

25 Kandi Simoni Petero akaba ayemerire nayota omu’ro. Kandi bamugambira ngu Naiwe oli womu begeswabe ? Uwe yayehakana nagamba ati Tindi wamu. 26 Omu hali abairu rubale ba nyakatagara omukuru wabu, oworuganda rwogu Petero ouyacwireho okutu, yagamba ati Nyowe tinkuboine nauwe, omu rugonjo ? 27 Petero yagaruka kwehakana : ahonaho enkoko yakoka.

28 Kandi bamuiha Yesu hali Kayafa, bamutwara omu kibira : bukaba bwakya, abo bonka batatahe omu kibira, baleke kusisikara, bamale okulya Okuhingurwaho. 29 Kandi Pirato yaturuka nagenda namberebali, yagamba ati Musango ki ogu murukumulbga omuntu onu ? 30 Bagarukamu nibagamba ngu Omuntu onu kakuba atakozire kubi titwakumulesere namberoli. 31 Pirato yabagambira ati Mumutwale inywe, mumucwere omusango, nkebiragiro byanyu okubiri. Abayudaya bagamba ngu Kitaturagirwe kuita muntu wena : 32 ekigambo kya Yesu kihiki’re ekiyagambire, nayoleka okufa okwaragenda okufa okukuli.

33 Kandi Pirato yagaruka okutaha omu kibira, yayeta Yesu yamugambira ati Niwe omukama Wabayudaya ? 34 Yesu yagarukamu ati Kinu okigambire habwawe wenka, rundi abandi bakugambire ebigambo byange ? 35 Pirato yagarukamu ati Nyowe ndi Muyudaya ? Abaihanga lyanyu na banyakatagara abakuru nibo bakundetire : okozire ki ? 36 Yesu yagarukamu ati Obukama bwange tibuli bwomunsi enu : kakuba obukama bwange buli bwomu nsi enu, basaija bange bakurwaine, ndeke kuhebwayo hali Abayudaya : baitu hati bunu obukama bwange tibuli bwa hanu. 37 Pirato yamugambira ati Kandi iwe oli omukama ? Yesu yagarukamu ati Nukwo ogambire, baitu nyowe ndi omukaina. Nyowe nikyo nazalirwe, nikyo naizire omu nsi, ndange amananu. Owamananu wena ahu’ra iraka lyange. 38 Pirato yamugambira ati Amananu nikyo kiki ?

Obuyamazire okugamba eki yagaruka naturuka, yagenda hali Abayudaya, yabagambira ati Tindukubona musango haluwe. 39 Baitu muyina engeso, nyowe okubalekera omu ha Kuhingurwaho : nimwenda mbalekere omukama wa Bayudaya ? 40 Kandi bagaruka okutoka nibagamba ngu Tali onu, baitu Baraba.  Nogu Baraba akabali munyagi.

 

19  YOHANA 19

1 Nubwo Pirato yatwara Yesu, yamutera enkoba. 2 Baserikale baruka ekondo yamahwa, bagimutweka ha mutwe, bamujweka orugoye orurukutukura; 3 baija hali, nibagamba ngu Mirembe, Omukama Wabayudaya ! bamutera empi. 4 Pirato yagaruka naturuka aheru yabagambira ati Dora, ni’muturukya aheru namberemuli, mumanye ngu timboine musango haluwe. 5 Kandi Yesu yaturuka, ajwaire ekondo eyamahwa, norugoye orurukutukura. Pirato yabagambira ati Dora, omuntu ogu ! 6 Kandi banyakatagara abakuru nabahereza obubamuboine, batokera haiguru nibagamba ngu Bamba ha muti, bamba ha muti. Pirato yabagambira ati Mumutwale inywe, mumubambe ha muti : baitu nyowe timboine musango haluwe. 7 Abayudaya bamugarukamu ngu Itwe tuyina ekiragiro, kandi obwekiragiro eki asemerire okufa, baitu akefora omwana wa Ruhanga. 8 Nukwo Pirato obuyahultre ekigambo eki, yayeyongera okutina ; yagaruka nataha omu kibira, yagambira Yesu ati Oli wa nkaha ? Baitu Yesu atamugarukemu. 10 Kandi Pirato yamugambira ati Torukungambira nyowe ? Tomanyire ngu nyina obusobozi okukulekera, kandi nyina obusobozi okukubamba ha muti? 11 Yesu yamugarukamu ati Tokubaire nobusobozi bwona hali nyowe, kakuba butarakuhairwe okuruga ha iguru ; ampaireyo namberoli nukwo anyina ekibi ekikira. 12 Okubandiza aho Pirato yase’ra okumulekera : baitu Abayudaya bakatokera haiguru, nibagamba ngu Oraba nolekera ogu toli nganjani ya Kaisali : omuntu wena anyakwefora omukama, buli ayemire Kaisali. 13 Kandi Pirato obuyahulire ebigambo ebi, yaturukya Yesu aheru, yaika’ra ha ntebe eyemisango omu kiikaro ekyetwa amabale agalire, baitu omu Ruheburaniya, Gabasa. 14 Kikaba kiri kiro kya Kutekaniza Okuhingurwaho : zikaba ziri nkesaha omukaga. Yagambira Abayudaya ati Dora, Omukama wanyu ! 15 Kandi bo batokera haiguru ngu Muiheho, muiheho, mubambe ha muti. Pirato yabagambira ati Ndabamba ha muti omukama wanyu ? Banyakatagara abakuru bagarukamu ngu, Titunyina omukama rundi Kaisali. 16 Nubwo yamuhaireyo namberebali okubambwa ha muti.

17 Kandi batwara Yesu : yaturuka, ayetwekere omutigwe, yahika ha kiikaro ekyetwa Ekyoruhanga, ekyetwa omu Ruheburaniya Gorogosa : 18 nuho bamubambire, kandi nabandi babiri ahamu nauwe, orubaju norubaju, na Yesu hagati.

19 Na Pirato yahandika ebaruha, yagita ha muti ehandikirwe ngu YESU OWA NAZALESI OMUKAMA WABAYUDAYA. 20 Ebaruha egi baingi hali Abayudaya bakagisoma : baitu ekiikaro ekibabambiremu Yesu kikaba kiri haihi norubuga : kandi ekahandikwa omu Ruheburaniya, nomu Rurumi, nomu Ruyonani. 21 Kandi banyakatagara abakuru Ababayudaya bagambira Pirato ngu Otahandika ngu Omukama Wabayudaya, baitu ngu ogu akagamba ati Ninyowe omukama Wabayu daya. 22 Pirato yagarukamu ati Ekimpandikire nikyo mpandikire.

23 Kandi baserikale obubamazire okubamba Yesu ha muti, batwara ebyokujwarabye nibateka emiteko ena, serïkale omuteko na serikale omuteko ; nekanzuye : baitu ekanzuye etabazirwe, ekarukibwa kwonka okuruga eruguru. 24 Kandi bagambangana bonka ngu Tuleke kugitemura, baitu tugitome, turole araba mukama wayo : ekyahandikirwe kihiki’re ekigamba ngu « Bakabagana ebijwaro byange, Kandi bakatoma ekyokujwara kyange.  » Ebi baserikale nukwo bakozire bati. 25 Baitu bakaba bemerire aho, hali omuti gwa Yesu, nyina, nowanyina nyina, Malyamu muka Kuropa, na Malyamu Magadalene. 26 Kandi Yesu obuyaboine nyina nomwegeswa owakaba nagonza ayemerire haihi, yagambira nyina ati Omukazi, dora, omwana wawe ! 27 Hanyuma yagambira omwegeswa ati Dora, nyoko ! Kandi okuruga omu saha egi omwegeswa ogu yamutwara omukaye.

28 Hanyuma yebi, Yesu obuyamanyire ngu hati bunu ebigambo byona bimazire okuhiki’ra, ekyahandikirwe kihiki’re yagamba ati Nkwasirweiroho. 29 Hakaba hatekirweho ekibindi ekiijuire amarwa agasalïre : kandi bata ha hezobu ekijumankuba ekiijuire amarwa agasalire, bakita ha kanwake. 30 Yesu obuyamazire okuhebwa amarwa agasalire, yagamba ati Kihoire : yajumika omutwegwe, yahayo omwoyogwe.

31 Kandi Abayudaya, baitu kikaba kiri kiro kya Kutekaniza, emitumbi ereke okuikara ha muti ha kiro kya Sabiti (baitu ekiro kya Sabiti egi kikaba kiri kikuru) nikyo basabire Pirato okubahenda amaguru, baihweho. 32 Kandi baserikale baija, babandiza hali omu nibamuhenda amaguru, nondi ayabambirwe nauwe : 33 baitu obubaizire hali Yesu, nibarora amazire okufa, batamuhende amaguru : 34 baitu serikale omu yamucumita omu rubaju nicumu, ahonaho harugamu esagama namaizi. 35 Nauwe ayaboine akatebeza, nokutebezakwe kwamananu : kandi ogu amanyire agamba amananu, nainywe muikirize. 36 Baitu ebi bikabaho ekyahandikirwe kihiki’re ngu Talihendebwa igufa. 37 Kandi ekyahandikirwe ekindi nikigamba ngu Balimurora oubacumisire.

38 Hanyuma yebiYusufu Owalimasaya, akabali omwegeswa wa Yesu, baitu omubihwa  obwokutina Abayudaya, yayesengereza Pirato aiheho omutumbi gwa Yesu : kandi Pirato yamuikiriza. Yaija yaihaho omutumbigwe. 39 Na Nikodemo yaija, ayabandize okuija namberali ekiro, naleta ekitabe ekyomubazi nebiboya, obulemezi bwakyo rateri nka kikumi. 40 Kandi batwara omutumbi gwa Yesu, bagukuma omu ngoye ezekitani hamu nebiboya ebi, nkengeso Zabayudaya okuzika okuziri.

41 Kandi omu kiikaro ekiyabambirwemu ha muti hakaba harumu orugonjo; kandi omu rugonjo hakaba harumu ekituro ekihyaka ekitakazikwa muga muntu. 42 Kandi ekiro obwokuba kya Kutekaniza Kwabayudaya, kandi ekituro ubwokuba haihi, nuho bamutaire Yesu.

 

20  YOHANA 20

1 Kandi ha kiro ekyokubanza omu biro musanju, Malyamu Magadalene yaija omu rukyakya, obuire butakakire, hali ekituro, yarora ibale liihïbweho ha kituro. 2 Yairuka yaija hali Simoni Petero na hali omwegeswa ogu ondi Yesu owakaba nagonza, yabagambira ati Baihiremu Mukama waitu omu kituro, kandi titurukumanya nambere bamutaire. 3 Kandi Petero yaturuka, nomwcgeswa ogu ondi, bagenda ha kituro. 4 Bairuka bombi hamu : nomwegeswa ogu ondi yahinguraho Petero, yabanza okuhika ha kituro : 5 yainama nalinguzamu, yarora engoye zekitani zitairwe aho ; baitu atatahemu. 6 Kandi na Simoni Petero, yaija amukuratire, yataha omu kituro ; yarora engoye zekitani zitairwe aho, 7 nekikoba ekikaba kiri ha mutwegwo kitatairwe hamu nengoye zekitani, baitu kitairwe ha wakyo kyonka. 8 Kandi nomwegeswa ogu ondi ayabandize okuija ha kituro, yatahamu, yarora, yaikiriza. 9 Baitu bakaba bataketegerize ekyahandikirwe ngu Kimuhikirïre okuhumbuka omu bafu. Kandi abegeswa bagaruka nibagenda omu maka gabu.

11 Baitu Malyamu akaba ayemerire aheru hali ekituro na’ra : obwakaba na’ra, yainama nalinguza omu kituro ; yarora bamaraika babiri bajwaire ebirukwera, baikalire, omu ha musago, ondi ha mirambi, omutumbi gwa Yesu nambere gukaba gutairwe. 13 Bamugambira ngu Omukazi nolizibwa ki ? Yabagambira ati Baitu baihiremu Mukama wange, nanyowe tindukumanya nambere bamutaire. 14 Obuyamazire kugamba ati yakubuka enyuma, yarora Yesu ayemerire,  atarukumanya nuwe Yesu. 15 Yesu yamugambira ati Mukazi nolizibwa ki, nose’ra oha ? Uwe natekereza nuwe mulinzi worugonjo, yamugambira ati Tata, oraba iwe omutwaire handi, ngambira nambere omutaire, nanyowe ndamuihayo. 16 Yesu yamugambira ati Malyamu. Yahinduka yamugambira omu Ruheburaniya ati Raboni; amakuru gakyo ngu Mwegesa. 17 Yesu yamugambira ati Otankwataho ; baitu tinkatembere omu iguru hali Isenyowe :  baitu genda hali bene baitu, obagambire ngu Nintemba omu iguru hali Isenyowe, kandi Isinywe, hali Ruhanga wange, kandi Kuhanga wanyu. 18 Malyamu Magadalene yaija nagambira abegeswa ati Mboine Mukama waitu ; kandi okuyamugambire ebigambo ebi.

19 Kandi ha kiro eki obubukaba buizire, ha kiro kyokubanza omu biro musanju, enyigi obuzikaba zikingirweho abegeswa nambere bakaba bali, obwokutina Abayudaya, Yesu yaija yayeme’ra hagati yabu, yabagambira ati Obusinge bube halinywe. 20 Obuyamazire okugamba ati yaboleka engaroze norubajurwe. Abegeswa basemererwa obubaboine Mukama wabu. 21 Kandi Yesu yagaruka okubagambira ati Obusinge bube halinywe : Nka Isenyowe okuyatumire nyowe, nukwo nanyowe mbasindika inywe. 22 Obuyamazire kugamba ebi yabaikiza orwoya, nabagambira ati Muhebwe Omwoyo Ogurukwera : 23  bona abamuliihaho ebibi, bibaihwaho ; bona abamulibohera ebibi, bibaboherwa.

24 Baitu Tomasi, omu hali ikumi nababiri, ayetwa Didumo, akaba atali nabo Yesu obuyaizire. 25 Abegeswa abandi bamugambira ngu Tukarora Mukama waitu. Baitu yabagambira ati Obuntalirora omu biganjabye enkoju zempindo, nintaho orukumu rwange ha nkoju zempindo, nintahyamu omukono gwange omu rubajurwe, tindiikiriza.

26 Hanyuma, ebiro munana bihinguireho, abegeswabe bakaba bali omu nju, na Tomasi akabali hamu nabo. Yesu yaija, enyigi zikingirweho, nayeme’ra hagati yabu nagamba ati Obusinge bube halinywe. 27 Kandi yagambira Tomasi ati Leta hanu orukumu rwawe, orole ebiganja byange ; kandi olete nomukono gwawe, ogutaliye omu rubaju rwange : oleke kuba atarukuikiriza, baitu arukuikiriza. 28 Tomasi yagarukamu namugambira ati Niwe Mukama wange, kandi Ruhanga wange. 29 Yesu yamugambira ati Obwokundora, nikyo oikiririze ; bayina omugisa abanyakuikiriza, bataloho ekibaboine

30 Haroho obwokuro’raho obundi bwingi Yesu obuyakolire omu maiso gabegeswa, obutahandikirwe omu kitabu kinu, 31 kandi bunu bukahandikwa, muikirize ngu Yesu nuwe Kristo, Omwana wa Ruhanga; kandi  obumuikiriza mube nobwomezi omu ibaralye.

 

21  YOHANA 21

1 HANYUMA yebi Yesu yagaruka okweyoleka omu begeswabe ha nyanja eya Tiberiya;  nukwo yayeyolekere ati. 2 Bakaba bali hamu Simoni Petero, na Tomasi ayetwa Didumo, na Nasaneri owa Kana orwa Galiraya, nabana ba Zebedayo, nabegeswabe abandi babiri. 3 Simoni Petero yabagambira ati Ningenda okusoha. Bamugambira ngu Naitwe ntugenda naiwe. Bagenda nibagwe’ra omu bwato; kandi ha kiro eki batakwate kintu. 4 Baitu obubukaba nibukya, Yesu yayeme’ra ha musa : baitu abegeswa batamanye nuwe Yesu. 5 Kandi Yesu yabagambira ati Abojo, muyina ekyokulya ? Bamuga mbira ngu Nangwa. 6 Yabagambira ati Munage ekisoha ha rubaju orwobulyo orwobwato, murazora. Nukwo banaga, kandi tibasobora kukicunda obwencu enyingi. 7 Kandi bmwegeswa ogu Yesu owakaba nagonza yagambira Petero ati Nuwe Mukama waitu. Simoni Petero obuyahulire nuwe Mukama waitu, yayetega orugoye (baitu akabali busa) yayesimba omu nyanja. 8 Baitu abegeswa abandi baija omu bwato obuke (baitu bakaba batali hara nomusa, rundi emikono nkebikumi bibiri), nibacunda ekisoha ekiru mu encu. 9 Nukwo obubarugiremu nibahika ha musa, barora omu’ro ogwamakara, nencu zitairweho, nomugati. 10 Yesu yabagambira ati Mulete ha nou ezimukwasire hati bunu. 11 Simoni Petero yagwe’ramu napundira ekisoha ha musa, kiijuire eucu enkoto, kikumi mwatano mu isatu : baitu nobuzikaba ziri nyingi ziti, ekisoha kitacweke. 12 Yesu yabagambira ati  Muije mulye. Kandi busaho hali abegeswa ayasoboire okumukaguza ati Niwoha ? bamanyire nuwe Mukama waitu. 13 Yesu yaija, yakwata omugati, yabaha, nencu ati. 14 Gunu nugwo murundi ogwakasatu Yesu oguyabonekiremu halia begeswa, okwakaba amazire okuhumbuka omu bafu.

15 Kandi obubamazire okulya, Yesu yagambira Simoni Petero ati Simoni omwana wa Yohana, nongonza okukira banu ? Yamugambira ati Ego, Mukama wange; iwe omanyire ninkugonza. Yamugambira ati Lisa abana bentama bange. 16 Yamugambira omurundi ogwaka.biri ati Simoni omwana wa Yohana, nongonza ? Yamugambira ati Ego, Mukama wange ; iwe omanyire ninkugonza. 17 Yamugambira ati Lisa entama zange. Yamugambira omurundi ogwakasatu ati Simoni omwana wa Yohana, nongonza ? Petero yatuntura, baitu akamugambira omurundi ogwakasatu ati Nongonza ? Yamugambira ati Mukama wange iwe omanyire byona : omanyire ninkugonza. Yesu yamugambira ati Lisa entama zange. 18 Mananukwo ninkugambira nti Obwokaboli omusigazi, wayetegaga wenka, nogenda nambere wagonzaga hona; baitu obwolikura, oligo’ra emikono yawe, ondi alikuboha, alikutw’ara nambere otagonza. 19 Akagamba ati, nayoleka okufa okwagenda kufa okunyumiza Ruhanga. Obuyamazire okugamba ati yamugambira ati Nkuratira. 20 Petero obuyakubukire yarora omwegeswa Yesu owakaba nagonza nakuratira ; kandi ogu nuwe yabyamire omu kifubakye ha byokulya byorwebagyo, nagamba ati Mukama wange noha arakugpbeza ? 21 Kandi Petero obuyaboine ogu, yagambira Yesu ati Mukama wange nonu aliba ki ? 22 Yesu yamugambira ati Obundaba ninyenda aikalehoga okuhikya obundija, nojunana ki ? iwe kuratira nyowe. 23 Kandi ekigambo eki kikahika omu bene babu ngu Omwegeswa ogu talifa : baitu Yesu atamugambire ati talifa; baitu ati Obundaba niiiyenda aikalehoga okuhikya obundiija, nojunana ki ?

24 Ogu nuwe mwegeswa arukumanyisa binu, nahandika binu : naitwe tumanyire okumanyisakwe kwamananu.

25 Kandi haroho ebindi bingi Yesu. ebiyakozire, nebi kakuba biharidikwa kimukimu, nintekereza nti ensi yona tekugyiremu bitabu ebyakuhandikirwe.

 

 

 

 


 

[1] a.g. Ayaseserweho amagita.

[2] a.g. Ibale.