Diunvuija Ku dituku dia

Dipungila Dipia-dipia

2 TESALONIKE

Table des matières

2 Tesalonike 1. 1-12. 412

2 Tesalonike 2. 1-17. 413

2 Tesalonike 3. 1-18. 414

 


 

2 Tesalonike 1. 1-12

Makenga akangata bena Tesalonike, akadiundisha ditabusha diabu, akatamba kudiundisha dinanga diabu ne akalesha ditekemena diabu. Tshiakadibu bapangile ntshinyi ne mbua tshinyi mupostolo udi umona bimpe bua kubatumina kukanda muibidi ? Musangu eu, ditekemena kadiena ditedibue, nansha disanka dia Nyuma Muimpe (fuany. 1 Tesal. 1. 3, 6 ndekelu wende). Paulo udi uteka ku mpala kuabu mu mukanda eu bulelela budi mua kutamba kutabulusha meshi aa mu mitshima yabu. Kutamba kua muena lukuna ne makenga abu buobu nkayabu, biakadi anu bia tshikondo tshipi. « Nzambi wa busombuedi, yeye udi usombuela bulelela » (Yelem. 51. 56).

Ne busombuedi ebu bua bakane ne babi, nebuikale mu dituku dia Mukelenge. Budi busuikakasha ku dimueneka diandi dia mu butumbi. Dinyoka diodi : « dibutudibua dia tshiendelele » dimue, ne dikuate bena bupidia bakashala nkayabu mu dipanga dimanya dia Nzambi, ne bena kilisto ba ku dina, badi kabayi batumikila lumu luimpe (mv. 8), kadi bua bansanto « buonso bakitabusha » nebabuele mu mulogo wa bantu ba Mukelenge, babumbakasha mu butumbi bunene (mv. 10 ; Mat. 13. 43). Kadi disua dipe dia Nzambi ne kulomba kua mupostolo Paulo kudi ne, kubangila mu tshikondo etshi, dina dia Mukelenge wetu Yesu Kilisto ditambe kutumbishibua kudi buonso badi babikidibua ku dina diandi.


 

2 Tesalonike 2. 1-17

Lukonko lukuabu lukole luakadi lutatshisha bena Tesalonike. Dituku dia Mukelenge kadiakadi dimane kulua anyi ? Makenga akangatabu ne balongeshi ba mashimi bakadi bashindika nunku. Muposto udi ukudimuna ku bualu ebu ne nansha kakese ! Ku mpala kua dituku dia Mukelenge kumueneka, malu manene asatu ne adianjile kumueneka :

1.      Disambakana dietu ne Mukelenge mu matutu

2.      Dipambuka dia ekelesia mubi ne dia bena Yuda mene,

3.      dimueneka dia mufuilakanyi ne Kilisto udi mubiki-dibue ne « muntu wa bupidia… muana wa dibutuka » (mv. 3), « muntu wa bupidia 1 » (mv. 8). Mena aa adi alesha ditapuluka dia ngikadilu ya Mukelenge : buakane, lupandu, ditumikila kudi Nzambi (bu muana wa muntu).

Mu tshikondo etshi tshikole, dienzeja dia dipambuka, ditumibue kudi Nzambi kudibu, nedifile midima ku nyuma ya bantu : kabakuitabuja ku bulelela, nebitabushe ku dishima. Mupostolo udi ukumbasha ne : bualu busokoka bua bupidia butshidi buenza mudimu wabu (fuany. 1 Yone 2. 18). Kadi « utshiena ukanda bua dimueneka diabu », Nyuma muimpe, udi wimanyika ditomboka dia bualu bubi mu buloba. Pikalaye wakumuka pa buloba ne ekelesia, pa diba adi bupidia kabuakuikala ne kudikanda. Kadi ditapuluka kayi didi pankatshi pa bukole ebu bua Satana (mv. 1-12) ne mudimu wa Nzambi Tatu wetu (mv. 13-17). Wakatunanga, kutusungula bua lupandu, kutubikila ku butumbi bua Mukelenge wetu Yesu Kilisto. Katupangi katataka bua kumusakidila (mv. 13 ; shap. 1. 3).

 

1. Muntu wa bupidia mv. 3, 8 : mu français mudi mena abidi (l’home de péché, l’inique) kadi mu mukanda wa tshiluba muaku udi umua utudi mua kukumbasha diunvuisha ku muntu muibidi ne « inique : muntu udi wenda kayi ne mikenshi ».


 

2 Tesalonike 3. 1-18

Paulo udi ulomba milombo ya bansanto ikale bua bualu buandi kabidi (mv. 1 ; 1 Thes. 5. 25). Yeye nkayende kakadi ulekela kulomba bua bualu buabu (shap. 1. 11). Wakadi utekemena kudi Mukelenge wa lulamatu udi mumanye mua kubakolesha ne kubasungila kudi muena lukuna. Wakadi utekemena kabidi ku ditumikila, ne ditumikila edi diakadi mu dikumbanja diabu tshianana dia mudimu wabu wa bianza kudituku ku dituku. Kutangila bena Tesalonike bakuabu, bualu bua bakela meshi ne kulua kua Mukelenge kudi pabuipi, bakalekela kukuata mudimu ne bianza biabu ; belangana meshi mbua tshinyi kudima kabidi budimi, anyi kutangila bua kuenza malu a muoyo wetu ? Ne tshipeta tshia kanyinganyinga, bakadi batshimbakanyi (badibuesha mu malu a bakuabu) (mv. 11 ; 1 Tim. 5. 13). Paulo udi upidia ne bukole buonso ngikadilu wa mushindu eu. Mu dilongesha diende, kakuena bualu nansha bumue buakadi mua kufila tshibuejakaji tshia mushindu eu nansha (mv. 6, 7, 11 ; fuany. 1 Tesal. 4. 11). Kutangila kabidi, kakamana kufila nkayende tshileshelu tshia kukuata kua mudimu ne bianza biandi, bua kikadi bushitu bua muntu nansha umue. Ne tshileshelu tshinene tshidi, « lutulu lua Kilisto », windila bua kuditekela ku mpala kuende ekelesia wakatambaye kunanga (mv. 5).

Ne mikanda ya bena Tesalonike, tudi tufika ku ndekelu kua mikanda ya kafundila Paulo ekelesia muanda mutekete mishilashilangane. Dishilashilangana divule dia nsombelu wa dilongesha dia buena kilisto didi diakudibuamu, kubanga ku diangata dia lupandu mu mukanda wa bena Lomo, tô ne ku butumbi budi buamba kumueneka. . Malongesha aa onso adi ne mushinga munene bua bualu buetu kabidi. Mukelenge atupeshe bukole bua kualama bua tuetu kujalama bimpe ! (2. 15)